Zgjidheni çajin tuaj ideal

Në çaj nuk ka vitamina, as kalori (nëse nuk i shtojmë sheqer ose mjaltë). Më i efektshmi është çaji i gjelbër: Në Japoni, ku kultivohet e pihet më së shumti, njerëzit sëmuren më pak nga disa tumore, falë përbërësve të çajit - polifenolëve, antioksidantëve dhe vitaminave C dhe E. Polifenolët mund të pengojnë shfaqjen e disa llojeve të kancerëve si dhe të përmirësojnë gjendjen e personave të sëmurë, sepse e bllokojnë enzimën, e cila shtyt rritjen e tumorit. Krahas kësaj, neutralizon ndikimin e radikalëve të lire në organizëm, të cilët dëmtojnë qelizat e indeve dhe shkaktojnë sëmundje të ndryshme.

Në çajin e gjelbër ka 20 lloje mineralesh, prandaj ky çaj forcon imunitetin, zvogëlon rrezikun e shfaqjes së sëmundjeve të zemrës, rregullon tretjen, pastron organizmin, ul peshën trupore, zbut kokëdhembjen, freskon dhe sforcon koncentrimin dhe njëherësh nuk shkakton fryrje as l1uk e irriton lukthin. Për efekt të plotë shëndetësor do të duhej pirë pesë filxhanë çaj të gjelbër në ditë. Çaji i gjelbër nuk duhet përvëluar me ujë të valë. Lihet të ftohet në rreth 70'C, sepse nxehtësia shkatërron përbërësit e vlefshëm. Ikub