Kontrollet e rregullta dhe ushqimi i duhu

Sot kortikosteroidet ndihmojnë në mjekimin e astmës, mirëpo efektet anësore në masë të madhe e kanë kufizuar përdorimin e këtyre barnave anti-inflamatore.

Megjithatë, mjekët kanë arritur të krijojnë doza përkatëse që gjatë vitit të shmangen efektet anësore. Kortikosteroidet shkaktojnë efekte të dëmshme anësore vetëm nëse merren për një periudhë të gjatë kohore. Në rastet e mjekimit të ndonjë gjendjeje e cila zgjat disa ditë, mund të paraqitet djegësi në lukth dhe pagjumësi kalimtare- efekte të cilat mund të mbahen nën kontroll.

Mjekimi i cili zgjat më shumë se një muaj, mund të shkaktojë paraqitjen e efekteve anësore më të rënda. Lista e këtyre efekteve anësore është më e gjatë, megjithatë nuk duhet krijuar panik- paraqitja dhe intensiteti i këtyre efekteve anësore është i ndryshëm te të sëmurët e ndryshëm, dhe shfaqja e tyre pjesërisht mund të pengohet.

Kështu që, nuk ka arsye që të shmanget përdorimi i këtyre barnave në rastet kur ato janë të domosdoshëm. Është me rëndësi që ato të merren nën mbikëqyrje mjekësore dhe pacienti t’i përmbahet udhëzimit për ushqim. Veç kësaj, vitet e fundit në mënyrë shumë të suksesshme bëhet mjekimi lokal me kortikosteroide. Falë kësaj, mund të zvogëlohet doza e tabletave dhe në këtë mënyrë reduktohet edhe numri i efekteve anësore. Ikub