Ushqimet qe duhen konsumuar per te luftuar stresin

Stresi është një armik i keq, ndaj të cilit duhet të mësoheni të mbroheni në mënyrën më të mirë të mundshme për të mos humbur kontrollin nga aktiviteti i përditshëm. Në disa momente, mund ta ndjeni veten të pafuqishëm për të luftuar stresin. Ja disa këshilla për ushqimet e antistres:

Lajthitë- Janë të pasura me magnezium. Sipas disa studimeve, ndihmojnë për të mbajtur nivele të ulëta të kortizolit (i njohur si hormoni i stresit). Kujdes, lajthitë janë të pasura me kalori, kështu që, kush është në dietë, nuk duhet ta teprojë me konsumimin e tyre.


Brokoli- Ka pak kalori, shumë acid folik dhe favorizon reduktimin e stresit.
Sheqeri- Embëlsira ul nivelin e stresit. Mjafton një majë luge sheqer në gojë për të patur një efekt të ndjesisë së mirë. Kush nuk është në dietë nuk bën gabim të hajë torta dhe ëmbëlsira.


Karbohidratet- Ushqimet e pasura me karbohidrate rrisin nivelin e serotoninës, duke ndikuar te humori dhe duke sjellë clodhje.
Omega 3- Pjatat me salmon dhe ushqimet e tjera që përmbajne Omega 3, janë eliksirët e shkëlqyer për shëndetin e qelizave të trurit. Konsumimi i ushqimeve që përmbajnë yndyrna të shëndetshme ndihmon luftimin e stresit në mënyrën e duhur.


Cokollata e zezë- Me konsumimin e saj, rritet prodhimi i endorfinës. Cokollata përmban 300 përbërje të ndryshme, mes të cilëve edhe anandamidën, një substancë kimike që imiton në tru efektin e marihuanës dhe teobrominës, një stimulant mjaft delikat. Një gotë qumësht në ditë- Qumështi përmban triptofan, i cili duke u metabolizuar, konvertohet në serotoninë (agjent për humorin e mirë). Kalciumi, magneziumi dhe potasiumi mund të kontribuojnë për të mbajtur të qëndrueshëm presionin e arterieve. Pini cokollatë të ngrohtë- Pijet e ngrohjta rrisin temperaturën e trupit, një ndjesi që shkakton rehati të përgjithshme në organizëm.


Çaj i zi- Ky lloj caji rregullon humorin. Kështu thote një studim i Universitetit College të Londrës. Konsumimi i cajit të zi, katër herë në ditë për gjashtë javë ul nivelin e kortizolit, hormonit të stresit, sidomos pas një situate kritike.


Çaj jeshil- Ky lloj caji është i pasur me teaninë dhe ndihmon në clodhjen e trurit. Studimet laboratorike tregojnë se caji është i pasur me polifenolë, që veprojnë si clodhës natyrale dhe ushqyes për stomakun.


Pini ujë të ftohtë- Konsumimi i ujit dhe më pas një ecje e gjatë në ajër të pastër do t'ju shërbejë për clodhjen e trupit dhe trurit. Uji është si benzinë për trupin dhe influencon në qarkullimin e mirë të gjakut.

Këshillat për lëkurë të pastër

Për të kuruar lëkurën nuk është e mjaftueshme që të vendosësh krem dy herë në ditë dhe të investosh në produkte bukurie shumë të kushtueshme. Ndonjëherë harrojmë se ka shumë veprime të përditshme që mund të përmirësojnë apo keqësojnë lëkurën e fytyrës, sidomos kur ka ekspozim nga agjentë të jashtëm si dielli, i ftohti apo smogu.

Ja disa këshilla:
Zgjidhni pastruesin e duhur. Nuk duhet të përdorni larës të njëjtë për lëkurën e duarve, për trupin dhe për fytyrën. Lëkura e fytyrës është më e ndjeshme. Zgjidhni një larës që ka pak substanca kimike, si SD-40 dhe alkool. Këto lloj përbërësish tentojnë ta thajnë lëkurën e fytyrës. Mos përdorni shpesh eksfoliantin. Tepër e rëndësishme është pastrimi i lëkurës në thellësi, por nuk duhet bërë shumë shpesh, sepse kështu rrezikohet që të humbet elasticiteti. Përdorini këto produkte në mënyrë të moderuar dhe jo në mëngjes, kur lëkura e fytyrës është më e dobët. Hidratojeni lëkurën normalisht. Këshilla kryesore e të gjithë ekspertëve të bukurisë është ajo e të ushqyerit të lëkurës, sidomos kur është e thatë. Asnjëherë mos e ekzagjëroni, sepse kështu rrezikoni që të rëndoni lëkurën. Pini shumë ujë, kujdesuni për ambientin në shtëpi dhe ndonjëherë ushqejeni lëkurën me maska fruktoze të përgatitura në shtëpi. Lajeni fytyrën para se të flini. Nëse flini me make up, atëherë mos u habisni kur në mëngjes të gjeni ndonjë surprizë të pakëndshme. Lëkura juaj gjatë natës duhet të jetë e qetë, poret të jeni të lira që të marrin ajër. Mos përdorni produkte kozmetike të vjetra. Edhe pse produkti mund të jetë i madh në sasi, mirë është që të mos e përdorni për shumë kohë, sepse me kalimin e ditëve, cilësia e tij bie. Po ashtu produktet shpesh përdoren me duar jo fort të pastra.

Këshilla mjekësore për gripin

Mbani nën kontroll temperaturën. Qumështi i ngrohtë me mjaltë është një balsam shumë i mirë, madje ideal, për kollën dhe fytin. Nëse ka kollë dhe dhimbje fyti, përdorni avujt me ujë të ngrohtë e kamomil dhe gargara me ujë me kripë. Mundohuni të mos përdorni antibiotikë, ato nuk të shërojnë nga rrufa apo gripi. Të vetmet raste kur mund të kenë efekt janë komplikimet bakteriale, të cilat e dobësojnë tej mase organizmin.

Ngrënia e mëngjesit parandalon infarktin

Mëngjesi është një vakt që nuk duhet evituar. Konsumoni një filxhan qumësht, kafe, ndonjë biskotë dhe në fund frut. Pavarësisht shijeve personale, e rëndësishme që t'i dedikohet vëmendje kalorive dhe ushqimit të trupit në mënyrën e duhur. Sipas dietologëve kush konsumon mëngjes, dobësohet më kollaj, pasi ka energji për të përballuar ditën, por edhe për të luftuar infarktin apo diabetin./albania/