Akupunktura me të vërtetë zvogëlon dhembjen

Mjeshtëria e lashtë kineze e futjes së gjilpërave në trup është konstatuar se me të vërtetë zvogëlon dhembjen, por nuk është parë se kjo teknikë ndihmon në lënien e duhanit dhe në humbjen e kileve të tepërta

Vendosja e gjilpërave në vende strategjike të trupit, qetëson qelizat e trurit të cilat janë përgjegjëse për ndjenjën e dhembjes, kanë konstatuar shkencëtarët gjermanë. Në fillim ata kanë skanuar trurin e vullnetarëve të cilët i kishin nënshtruar ndaj elektroshokëve të moderuar në këmbë, e më pas kanë skanuar përsëri trurin e personave të njëjtë, pasi që në këmbët e tyre kishin ngulur gjilpërat e akupunkturës, njëkohësisht me elektroshok.

Aktivitetet e pjesës së trurit që është e ngarkuar për ndjenjën e dhembjes, ishin zvogëluar ndjeshëm pas vënies së gjilpërave në vende të caktuara në trup. Ekspertët mendojnë se ky nuk është thjeshtë një efekt “placebo” (psikologjik), por efekt me të vërtetë efikas. Ekspertë të tjerë nuk i vejnë në dyshim rezultatet e studimit, por nuk i lidhin ato me shfrytëzimin e akupunkturës me qëllim të humbjes në peshë, lënies së duhanit, apo me rritjen e suksesit të mbarsjes artificiale. Ikub