Si fillon varësia ndaj alkoolit tek të rinjtë?

Alkooli i marrë gjatë festimeve të veçanta, ditëlindjeve, Vitit të Ri, ceremonisë së diplomës apo aktiviteteve të tjera të organizuara për të rinjtë fillon të shtohet me kalimin e kohës dhe të kthehet në një zakon, ves, varësi. Të rinjtë e fillojnë alkoolin me një pije të lehtë alkoolike siç është birra. Më pas kjo varësi i hap rrugë pijeve më të forta.

Stresi, problemet serioze brenda familjes dhe gjendja psikologjike e të riut, ndikon në krijimin e një vartësie ndaj alkoolit duke mos e kuptuar rrezikun që i kanoset nga ai.

Prindërit duhet të jenë të informuar rreth dëmeve që shkakton alkooli, tolerancës së kufijve të pijeve alkoolike dhe të informojnë dhe fëmijët rreth tij. Përsëri janë prindërit ata që duhet të përpiqen të kuptojnë nëse fëmija ka krijuar vartësi ndaj alkoolit apo ndonjë lënde tjetër narkotike.

Ç'do të thotë pirës social?

Përdoret për ata persona të cilët në përgjithësi nuk konsumojnë alkool kur janë vetëm por në ambiente sociale si në praninë e bashkëshortes, mikut apo kolegut. Ky është dhe hapi i parë i fillimit të alkoolit.

Si e fillojnë alkoolin të rinjtë dhe në çfarë kushtesh?

Me një propozim për të pirë një shishe birrë me shokët në ditëlindje, ceremonitë e diplomës, ceremoni tjera zbavitëse të rinjtë e fillojnë alkoolin për t'i bërë shoqëri miqve të tyre. Dhe në fillim merret birrë, liker frutash apo verëra, të cilat mendohet se janë pije të lehta.

Çfarë ndryshimesh vihen re tek një i ri që konsumon alkool?

Kjo lidhet dhe me fazat e përdorimit të alkoolit. Dëshira për të qenë bashkë me të alkoolizuar apo konsumimi për t'u dëfryer më shumë mund të sjellin ndryshime apo probleme si ndjenja e fajësisë, probleme të gjumit, ulje të suksesit në mësime dhe punë, probleme brenda familjes etj.

Kujdes këto faza!

Megjithëse alkooli mund të jetë qetësues dhe zbavitës, ai dëmton personin që e konsumon. Në lidhje me shpeshtësinë e përdorimit dhe pavarësisht qëllimit, alkooli shkatërron syrin, stomakun, pankreasin dhe sistemin tretës. Me rritjen e shpeshtësisë së përdorimit dëmtimet e përkohshme kthehen në kronike. Dhe kanceri shfaqet më shumë me përdorimin e alkoolit. Për shkak të ndikimit në tru dhe sistemin nervor, personi e ka të vështirë të kontrollojë veten, mendimet dhe sjelljet.

Ekzistojnë katër faza të cilat mund të dallohen lehtë nga të afërmit e të alkoolizuarit.

Në alkoolizmin kronik, të sëmurët përjetojnë dëmtime të rënda shpirtërore, fizike dhe sociale. Në shumicën e rasteve dëmtohen dhe marrëdhëniet në mes njerëzve duke nxjerrë në pah rezultate negative ekonomike dhe profesionale.

Faza e parë

Pi për t'u qetësuar dhe nxjerr si pretekst ngjarjet që e nervozojnë.

Faza e dytë

Në këtë fazë personi fillon të pijë vetëm ose fshehurazi. Mendon shpesh për alkoolin. Shihen humbjet e para të kujtesë.

Faza e tretë

Mund të humb kontrollin mbi sasinë e konsumuar. Megjithëse personi mund të përpiqet të qëndrojë larg alkoolit ai përjeton periudha më të shpeshta të kthimit tek ai.

Faza e katërt

Humb kontrollin mbi alkoolin. Gjatë kohës kur është esëll ndjen nevojën për të pirë dhe kështu fillon të pijë që në mëngjes.StartAisa Kokiçi