Si t'i ekspozohemi diellit në mënyrë të sigurt dhe shëndetshme

Këshillat për rrezitje të sigurt dhe të shëndetshme kurrë nuk janë të
mjaftueshme. Po ju prezantojmë 19 këshilla të cilat do t'u ndihmojnë shumë që
lëkura juaj të jetë e shëndetshme dhe e freskët
Këshillat për rrezitje të sigurt dhe të shëndetshme kurrë nuk janë të
mjaftueshme.
Po ju prezantojmë 19 këshilla të cilat do t'u ndihmojnë shumë që
lëkura juaj të jetë e shëndetshme dhe e freskët.

1.
Diellin duhet shmangur prej orës 11 deri 14.

2.
Shmanguni rrezitjes së tepërt, si asaj natyrale, ashtu edhe
solariumit.

3. Personat me nishane nuk duhet t'i
ekspozohen diellit.

4. Personat të cilët kanë pasur
tumor malinj të lëkurës, apo nëse ndonjë familjar ka pasur melanoma, duhet t'i
shmangen diellit.

5. Kujdes të veçantë duhet të tregohet
për nishanet në shpinë të cilat nuk i shikoni shumë shpesh nëse shpina i
ekspozohet shumë diellit.

6. Lëkurën duhet lyer me krem
që përmban faktorë mbrojtës ndaj UV-A dhe UV-B.

7. Duhet
të dini që afati i produkteve për rrezitje nuk është më i gjatë se dy vite nëse
i ruajmë në mënyrë të duhur (frigorifer), mirëpo nëse i keni ruajtur në vende të
nxehta apo keni harxhuar gjysmën e tyre më mirë është që secilin vit të blini
një të re.

8. Është shumë me rëndësi që kremi me faktorë
mbrojtës të vendoset 30 minuta para se t'i ekspozoheni
diellit.

9. Kremi me faktor mbrojtës më të ulët se 40
nuk ka efekt, pasi që vetëm kremi me faktor mbrojtës 33 filtron 97 % të
rrezatimit UV-B.

10. Për mbrojtje më të mirë duhet të
lyeni çdo dy orë, pasi që mbetjet aktive të kremit me kohë fillojnë të
bien.

11. Kremi mbrojtës duhet të vendoset me
bollëk.

12. Kujdes të veçantë gjatë vendosjes së kremit
duhet të kemi ndaj ballit, buzëve, veshëve, hundës, gjoksit dhe
supeve.

13. Qëndrimi nën hije në plazh ose në anije po
ashtu kërkon mbrojtje të plotë për shkak të reflektimit të rrezeve UV nga
sipërfaqja e ujit.

14. Nga veprimi i rrezeve UV nuk jemi
të mbrojtur as në ujë, lëkura e lagësht është e ndjeshme në diell, prandaj mund
digjet rreth katër herë më shpejt sesa lëkura e thatë, prandaj kini
kujdes!

15. Lëkura mund të digjet edhe gjatë kohës së
ftohtë, madje edhe gjatë motit me mjegulla, duke qenë se rrezet UV kthehen nga
sipërfaqet reflektuese, siç është uji dhe rëra, ndërsa arrijnë të depërtojnë
nëpër re.

16. Gjatë qëndrimit në diell mjetet e
domosdoshme janë syzat kualitative për diell, të cilat mbrojnë nga rrezatimi UV,
kapela me rreth të gjerë, si dhe veshjet e lehta me ngjyrë të
çelët.

17. Duhet të pini shumë lëngje dhe të konsumoni
ushqim të lehtë me shumë pemë dhe perime.

18. Pas
plazhit është i domosdoshëm dushi për të larguar të mbeturat e kremit për
rrezitje dhe rërën. Lëkurën pastaj duhet ta lyeni me krem hidratues me vitaminë
E në mënyrë që t'ia ktheni njomësinë dhe
elasticitetin.

19. Rrezitja nuk rekomandohet nëse
përdorni barna (p.sh. antibiotikë), sepse mund të shkaktohet skuqje dhe
ekzantemë.