Une dhe pasqyra...

Secili nga ne ka dobësi të vogla në pjesë të ndryshme të trupit, që e bëjnë unik. Disa kanë tendencë t’i drejtohen kirurgjisë estetike për të eliminuar këto mosperfeksione, por është e mundur të mësohesh me to dhe është mjaft e thjeshtë. Sidomos janë femrat që merren me çdo detaj minimal të trupit të tyre, duke e shikuar dhe analizuar me sy shumë kritik që pikas mbi të gjitha dobësi e defekte. Së fundi edhe meshkujt kanë zbuluar këtë dëshirë për t’u kujdesur në çdo detaj, por megjithatë janë më indulgjentë sesa femrat.

E gjithsesi mjafton pak për të kapërcyer provën e vështirë të pasqyrës.Mosha që s’njeh stacione sjellë ndryshime të reja, ndonjëherë të vështira për t’u pranuar. E megjithatë për çdo problem ka një zgjidhje. Kështu, nëse shfaqen fijet e para të flokëve të bardhë mund të jetë çasti ideal për të kryer një prerje ndryshe, apo nëse ijet zgjerohen, atëherë nxirr në pah tipare të tjera që të shmangin vështrimin e të tjerëve nga problemi. Ndër të tjera, secili nga ne zotëron pika të forta individuale dhe të vlerësuara, gjë që do të japë një siguri dhe bindje më të madhe. Ikub