Te shohim jeten pozitivisht!

Energjia pozitive lehtëson kurën e sëmundjeve dhe ndihmon në kalimin më të lehtë të traumave. Njeriu i cili e sheh jetën pozitivisht, beson dhe kërkon të arrijë suksesin dhe është më i lumtur se njerëzit pesimistë. Njeriu mund të mësojë të krijojë energjinë pozitive brenda vetes dhe të përpiqet për këtë.

Ka disa momente kur neve na duhet të marrim përsipër përgjegjësitë tona, të përballemi me vështirësitë dhe të përdorim vullnetin duke vënë në lëvizje veten tonë. Kjo do të thotë që biokimikatet dhe energjia të cilat trupi është mësuar t’i prodhojë nuk mjaftojnë në kalimin e gjendjes në të cilën mund të ndodhemi. Në raste të tilla shikimi me sy optimist dhe pozitiv i ngjarjeve na e lehtëson jetën tonë.

Njeriu është një krijesë e programuar apo e ndryshueshme deri në një pikë të caktuar. Dhe ne nuk e dimë këtë kufi. Njeriu zotëron një energji të mrekullueshme. Sa më mirë ta përdorë njeriu potencialin që zotëron aq më mirë do të përballojë pengesat dhe do të arrijë suksesin. Ashtu siç është e rëndësishme nxjerrja në pah e energjisë po aq e rëndësishme është dhe mirë përdorimi i saj. Disa persona janë shumë energjikë por nuk janë produktivë sepse nuk e përdorin atë siç duhet dhe në vendin e duhur. Kjo situatë krijon pak stres dhe mërzi prandaj duhet të fitojmë aftësinë e përdorimit të saktë të energjisë pozitive.

Të jesh më i suksesshëm, të mos humbasësh shëndetin apo ta rifitosh atë, të krijosh marrëdhënie të mira me të tjerët ndikon pozitivisht në rritjen e vetëbesimit dhe nxjerrjen në pah të energjisë pozitive. Pa mendoni pak këtë, nëse shpatullat dhe krahët tuaj kanë rënë, nuk dëshironi të hidhni asnjë hap përpara. Megjithëse atë ditë keni aq shumë për të bërë: shihni veten në pasqyrë dhe tërhiqeni pak hapa mbrapa, merrni frymë thellë. “Duhet të nxehem pak”, i thoni vetes. Tani shpatullat qëndrojnë më lart dhe shikimi juaj është më i gjallë. Ja pra në këtë mënyrë ju keni aktivizuar energjinë tuaj pozitive.

Edukimi vazhdon gjatë gjithë jetës. Ndërkohë që stresi i hap rrugë çrregullimeve të mendimit ulet dhe produktiviteti në mësime. Personat optimistë, besimtarë dhe që kërkojnë suksesin mbartin më shumë energji pozitive. Dhe kjo gjendje të çon vetvetiu drejt suksesit.

Të shikosh jetën me syrin pozitiv nuk do të thotë të mos shohësh pakënaqësitë. Të shohësh gjërat negative është një masë mbrojtëse. Shumë situata të hidhura dhe të vështira mund të kalohen. Njeriu duhet të jetë i përgatitur para situatave jo të këndshme dhe të hidhura me të cilat mund të përballet, kështu është jeta. Por fokusimi tek hidhërimi dhe pesimizmi pakësojnë energjinë pozitive dhe dëshirën për të jetuar. Ai që përpiqet të nxjerrë në pah energjinë pozitive duke shpëtuar nga mendimet pesimiste, e shikon jetën me sy të qetë, fokusohet mbi gjërat e bukura, dhe përpiqet për t’i arritur zotëron një sistem imunitar më të forte e rezistent. Ndërsa personat që çdo gjë e shohin me syrin pesimist janë më të prirur të sëmuren.

Energjia pozitive të ndihmon të kalosh traumën

Sa më shumë optimist i afrohet njeriu kufijve të jetës aq më shumë anë pozitive do të shohë dhe aq më shpejt e lehtë do të kapërcehen të gjitha pengesat. Çrregullimet e stresit të shfaqura në këtë rast pas traumave ose nuk shfaqen fare ose kalohen lehtë. Nëse merret dhe ndihmë profesionale personi mund ta kalojë edhe më lehtë. Njeriu mund të mundë dhe sëmundjet më të pashpresa si kanceri duke shpresuar në shërimin dhe duke i pare ngjarjet me syrin e shpresës e cila nuk vdes kurrë. Energjia pozitive lehtëson dhe kurën e infeksioneve. /start/