Dhjetë pijet më të dobishme për organizmin!

Pothuajse çdo kompani me emër që prodhon çajra, lëngje të ndryshme, etj; e konsiderojnë si shumë të rëndësishme që t’i etiketojnë produktet e tyre si produkte që përmbajnë “antioksidantë” edhe pse shumica e njerëzve nuk e dinë se çfarë do të thotë kjo në të vërtetë. Antioksidanti është një emër përmbledhës për elementet që janë të afta të luftojnë radikalet e lira. Radikalet e lira vetë përfaqësojnë molekula speciale të afta për të shkatërruar molekulat e tjera si madje dhe qelizat e trupit. Ato normalisht supozohen se luftojnë viruset dhe bakteret duke marrë pjesë në prodhimin e hormoneve dhe proceseve të tjera jetësore. Gjithsesi, sasia e radikaleve të lira rritet dhe sa më shumë vite kalojnë, trupi bëhet më pak i aftë që t’i kontrollojë ato dhe radikalet fillojnë të mbysin trupin nga brenda. Shumë sëmundje të rrezikshme që përfshijnë kancerin, artritin, sëmundjen e zemrës dhe ulcerës si dhe shumë sëmundje të tjera, duke përfshirë këtu dhe procesin e zhvillimit iu atashohet radikaleve të lira sipas mjekëve. Antioksidantët mund t’i mbrojnë njerëzit nga këto probleme. Vitaminat A, C, E si dhe disa nga elementet si zinku, seleniumi, glutathioni dhe disa të tjera janë të kategorizura si anti-oksidante. Anti-oksidanti më i fortë, më potent nga të gjithë të përmendur deri tashti, konsiderohet nicotinamid adenine dinucleotide (nicotinamidi i adeninës së dinucleotidës) në formën e reduktuar si koenzim I, i njohur si ENADA. Shkencëtarët e përdorin këtë direktivë për punën e tyre për të formuluar edhe listën e pijeve më të dobishme në të gjithë botën.
Lëngu i shegës
Nga mbledhja e gjithë elementëve të përmendur më sipër, ky lloj lëngu përmban edhe kalcium, fosfor, magnez, hekur dhe natrium. Është një lëng me dobishmëri shumë të lartë për sistemin kardiovaskular. Megjithatë, kjo lloj pijeje nuk rekomandohet për personat që vuajnë nga ulcera apo aciditeti. Lëngu i nxjerrë nga farat e shegës është një antioksidant i fuqishëm. Vetëm 30 minuta pas marrjes së lëngut të shegës, aktiviteti ynë rritet me 32 për qind. Lëngu i shegës shuan etjen, nxit oreksin dhe përmirëson tretjen e ushqimeve. Ai përdoret me sukses edhe në sëmundjet e zorrëve dhe mënjanon helmet e organizmit. Lëngu i shegës jep rezultate në luftimin e paraziteve që zhvillohen në zorrë.
Vera e kuqe
Kjo pije njihet për aftësitë e saj për të parandaluar zhvillimin e sëmundjeve të kancerit. Shumë specialistë të dietave rekomandojnë marrjen e 30 gramëve verë të kuqe për të shoqëruar ushqimin e përditshëm. Vera e kuqe, në veçanti Kaberneti dhe Merloti, kanë veti antimikrobike që mbrojnë nga intoksikimet ushqimore, të shkaktuara nga agjentë patogjenë që ndodhen te ushqimet si te bimët ashtu dhe te mishrat, që shpesh janë shkaktarë të helmimeve gjermane.
Lëngu i qitros
Kjo pije përmban shumë grupe të vitaminës B, të cilat janë më se të mira për flokët dhe thonjtë, po ashtu përbëhet dhe nga acidi askorbik i cili lufton mikrobet. Për më tepër lëngu i qitros lejon forcimin e memories, lufton kancerin e gjirit dhe ndihmon në elasticitetin e lëkurës.
Lëngu i manaferrave
Manaferrat njihen për aftësinë e tyre për të zmadhuar shikimin dhe për të luftuar diarrenë. Kjo lloj manaferre lufton njëkohësisht edhe diabetin, qelbëzimin e bajameve, si dhe ruan rininë e gjithë trupit.
Lëngu i qershisë
Ky lëng përmban vitaminën A, një vitaminë kjo shumë e nevojshme për dhëmbët edhe sytë, hekurin si dhe vitaminën C, e cila lufton infeksionet. Ky lloj lëngu gjithashtu lufton edhe rrezikun nga sëmundjet e kancerit.
Lëngu i akacies
Ky frut përmban një pigment special barishtor që lubrifikon lëkurën dhe parandalon plakjen. Përmbajtjet e tjera të këtij fruti janë edhe disa lloje acidesh shumë të dobishme për normalizimin e sistemit nervor të trurit.
Boronica e kuqe
Ky lëng ndihmon në uljen e temperaturave të larta trupore dhe ruan atë normale. Ky lloj lëngu gjithashtu lehtëson trupin nga toksinat. Boronica e kuqe është një aleate e mirë për parandalimin e cistiteve (infeksioneve urinare) të shpeshta dhe për të përmirësuar terapinë me antibiotikë në rast se sëmundja është shfaqur. Efektet dobiprurëse i atribuohen pranisë së proantocianidineve (PAC), një element specifik për boronicën, e cila pengon bakteret patogjene të dëmtojnë mukozën e rrugëve urinare, duke evituar në këtë mënyrë zhvillimin e infeksionit. Cistiti është një patologji shumë e përhapur dhe është mjaft e lartë frekuenca te gratë, sidomos atyre që janë seksualisht aktive. Shkaku kryesor është një infeksion i tipit bakterial, por ndonjëherë, megjithëse më rrallë, mund të shkaktohet nga trauma, alergji apo situata të uljes së sistemit imunitar.
Lëngu i portokallit
Ky lëng rrit rezistencën e trupit kundrejt gripit, heq lodhjen, si dhe aktivizon funksionet e trurit dhe forcon venat e gjakut. Lëngu i portokallit ka veti diuretike dhe antiseptike (që ndalon kalbëzimin ose pengon zhvillimin e mikroorganizmave), përdoret me sukses në luftimin e sëmundjeve të veshkave edhe në rastet kur janë formuar gurë në to, në sëmundjet e mëlçisë dhe në ato të zemrës dhe të enëve të gjakut.
Çaji
Lloj i tij nuk ka rëndësi, por në këtë klasifikim nuk bëhet fjalë për çajin e shisheve që blihet në markete. Çaji i zier lufton sëmundjet e zemrës, si dhe një sërë infeksionesh të ndryshme. Një rol të rëndësishëm që luajnë çajet është dhe për lehtësimin e sëmundjes së sheqerit. Kjo sëmundje karakterizohet nga çrregullimi në këmbim të karbohidrateve, si pasojë e pamjaftueshmërisë së prodhimit të insulinës.
Lëngu i mollës
Molla është sinonim i vitalitetit dhe shëndetit. Ky lëng për kurim mund të përdoret për sëmundjet e fshikëzës, sëmundjet e veshkave si dhe mëlçisë. Vitamina C dhe betakaroteni që ky lëng përmban, kanë shumë ndikim pozitiv në shëndetin tonë. /tiranaobserver/