Ushqimet qe na bejne inteligjent!

Kush do që të ushqehet në mënyrë të shëndetshme dhe të jetë inteligjent, duhet që të dijë se neuronet, qelizat që e përbëjnë trurin, kanë nevojë për energji që të jenë në gjendje për të përmbushur funksionin e tyre.

Energjia futet kështu në trupin përmes ushqimit, dhe jo vetëm që na ushqen, por na bën edhe më të zgjuar.

Për këtë arsye është e nevojshme që të ndjekim një dietë të ekuilibruar: hani siç duhet dhe zgjidhni ushqime të drejta për të siguruar substancat e nevojshme për funksionimin e duhur të trupit tonë, duke filluar që nga truri.

Kështu, një dietë e pasur me karbohidrate komplekse, si drithëra, bishtajore, fruta, është më e përshtatshmja për funksionimin e duhur të organit tonë më të rëndësishëm.

Kjo kategori e ushqimeve përmirëson sidomos kujtesën dhe përqendrimin, për shkak të përmbajtjes së lartë të glukozës, e konsideruar si lëndë ushqyese e rëndësishme për punën neuronale dhe ndaj është e nevojshme që nivelet e saj të mbeten të qëndrueshme.

Është e rëndësishme, që të shmanget edhe agjërimi i zgjatur, duke ruajtur ritmin e të paktën 3 vakteve në ditë.

Ndërkaq, acidet yndyrore, që gjenden të përfshira tek peshqit, kanë fuqinë për të mbajtur në gjendje të mirë mbaresat nervore dhe ato të neuroneve.

Sidomos sardelet bëjnë mirë për trurin, por edhe për qarkullimin e gjakut dhe zemrën.
Por edhe vitaminat e mineralet janë një domosdoshmëri në listën tonë të ushqimeve të mira për trurin.

Kështu, acidi folik, mineralet, vitaminat B6, B12, C, E dhe A dhe mineralet, kanë mundësinë për të përmirësuar kujtesën tonë duke stimuluar funksionimin e duhur të sistemit tonë nervor.

Kjo është arsyeja pse është e rëndësishme të jenë gjithmonë në tavolinën tonë frutat, perimet, mishi pa dhjamë, peshku vaji, veza dhe djathi.

Por gjithashtu, ndër ushqimet që ekspertët rekomandojnë për të ushqyer mendjen dhe trupin janë veçanërisht:
- Banania, e cila përmban sasi të mëdha të triptofanit;
- Arra, sidomos bajamet, të cilat janë të pasura me magnez, hekur dhe kalium, minerale të çmuara;
- Sardelet, janë të pasura me Omega-3;
- Farat, ushqim që përmban choline, një substancë që përmirëson transmetimin e impulseve nervore, duke e bërë mendjen më të shkathët. (NOA)