Peshku i konsumuar dy here ne jave ju mbron zemren!

Specialistet keshillojne ngrenien me shume te peshkut, sesa te vajrave qe vijne prej tij.

Duhet të hani dy porcione pesh në një javë, për të parandaluar sëmundjes së zemrës. Këtë kanë vërtetuar ekspertët evropianë. Konsumimi i peshkut, me shumë mundësi është shumë më i mirë për shëndetin, sesa marrja e suplementeve të vajit të peshkut, sepse vetë peshku përmban vlera të tjera ushqimore, siç është bërë me dije nga “European Society of Cardiology” gjatë një konference të mbajtur në Dublin. Ndër të tjera mendohet se gjithçka që thuhet se përfitimet e shëndetit të zemrës vijnë nga elementi kryesor i vajit të peshkut, i quajtur "omega 3", në fakt nuk është provuar nga ekspertët.

Nje nga dy porcionet e konsumuar në javë, gjithsesi, duhet të jenë peshq të yndyrshëm si salmonët, sardelet, apo troftat, kanë bërë me dije specialististët, pasi këto përmbajnë nivelet më të larta të acideve yndyrore "Omega 3". Gjithsesi, ushqimet me baze peshkun këshillohet të konsumohen nga njerëzit që nuk e pëlqejnë peshkun. Mirëpo, rekomandimi është që këto ushqime duhet të minimumi 1 gramë "Omega 3".
Philip Calder, nje biokimist dhe dietolog nga Universiteti i Southampton ka shpjeguar: "Acidet e Omega-3 janë tepër të rëndësishëm për shëndetin e njerëzve, sidomos nëse bëhet fjalë për trurin, apo shëndetin imunitar. Për më tepër peshku përmban edhe shumë vitaminë D, selen dhe jod, që mund të jenë gjithashtu të dobishme kundër sëmundjeve kardiovaskulare. Gjithsesi, veç konsumimit të peshkut, njerëzit duhet të kenë parasysh edhe të përdorin dieta të shëndetshme, të mos pijnë duhan dhe të jenë fizikisht aktivë".