Pajisja elektrike qe ndihmon luftimin e depresionit!

Është shpikur nga shkencëtarët një pajisje që lufton depresionin derisa ju flini

Pajisja, e cila vendoset në ballë, përdor impulse të vogla elektrike për të stimuluar nervin trigeminal në kokë.

Ky nerv, i cili gjendet vetëm pak poshtë ballit, qon në pjesët e trurit të cilat mendohet se kontrollojnë gjendjen shpirtërore të njeriut.

Mjekët e përshkruajnë këtë nerv si një “port USB-je në tru”. Pajisja, e cila përmban elektroda, lidhet nga dy tela me gjeneratorin e madhësisë së një telefoni mobil, i cili mund të vendoset në kraharor.

Në një provë të realizuar në Universitetin e Kalifornisë në Los Anxhelos, një grup i vogël pacientësh që vuanin nga çrregullimet e mëdha të depresionit raportoi një reduktim prej 50 për qind të simptomave pas përdorimit të pajisjes prej tetë orës në natë për tetë javë.

Pacientët, të cilët kishin pasur simptoma të mëdha të depresionit për më shumë se katër muaj dhe nuk u kishin përgjigjur pozitivisht asnjë medikamenti kundër depresionit, kanë raportuar se janë ndier më mirë pas vetëm dy javëve përdorimi, thonë shkencëtarët.

Ata kishin vazhduar marrjen e medikamenteve përkatëse gjatë këtij testim, dhe thuhet se pajisja nuk ua kishte prishur gjumin – edhe pse ata kishin raportuar një pickim ose një gudulisje në momentin kur e kishin ndezur pajisjen. Lajmonline