Mbani ditar dhe shpetoni nga migrena!

Mbajtja e nje “ditari te migrenes” , shenimi i ankesave dhe ushqimeve te konsumuara nga ana e tyre eshte shumë i rendesishem per te semuret me migrene.

Njohja e faktorëve nxitës të migrenës dhe parandalimi i tyre ndihmon në minimizimin e dhimbjes ashtu si ilaçet.

Njohja mirë e faktorëve nxitës të migrenës është një nga metodast më efektive në pakësimin dhe uljen e dhimbjes dhe shpeshtësisë së saj. Por faktorët nxitës të dhimbjes mund të ndryshojnë nga një i sëmurë tek tjetri. Prandaj është shumë e rëndësishme që të sëmurët të mbajnë shënim çfarë hanë, pine dhe të mbajnë shënim nëse janë ekspozuar ndaj faktorëve nxitës si stresi, aromat, alkooli apo kafeina 1-2 ditë para shfaqjes së dhimbjes. Të sëmurët të cilët njohin mirë faktorët nxitës dhe marrin masa parandaluese mund të pakësojnë dhimbjet pa përdorur ilaçe.

Ditari i dhimbjeve ndihmon në kurimin e migrenës

Para diagnostikimit të migrenës dëgjohen me vëmendje ankesat e hollësishme të të sëmurit. Pasi merret informacion i mjaftueshëm rreth dhimbjeve të të sëmurit bëhen kontrollet fizike dhe neurologjike dhe më pas vendoset nëse ka nevojë për analiza të mëtejshme. Disa të sëmurë mund të përdorin dhe analizat e gjakut , tomografinë apo rezonancën magnetike . Më pas nga i sëmuri kërkohet të mbajë ditar. Në këtë ditar zënë vend shpeshtësia e dhimbjes , koha , vendi , karakteri , faktorët që e shtojnë ose pakësojnë dhimbjen dhe ilaçet e përdorura. Ashtu siç janë të rëndësishme ndjekjet ditore për vendosjen e një kure të përshtatshme në të njëjtën kohë e ndihmojnë të sëmurin ta përcaktojë më mirë dhimbjen.

Çfarë e nxit migrenën?

Stresi: është një nga nxitësit më të mirë të migrenës. Në studime të ndryshme ai përkufizohet si nxitës i 60-80% të rasteve të migrenës.

Kafeina , sasia e tepërt e nikotinës : edhe konsumi i tepër i kafeinës dhe nikotinës mund të nxisë dhimbjen e migrenës. Por mund të ndodhë e e kundërta . p.sh nëse një person i cili merr vazhdimisht dhe në mënyrë të rregullt kafeinë ndalon marrjen e saj atëherë mund të nxiten dhimbjet e migrenës.

Aromat : disa parfume, cigarja apo era e bojës mund të nxisin migrenën.

Ndryshime në rregullin e gjumit : edhe gjumi i tepërt apo pagjumësia mund të nxisin migrenën. Ashtu siç mund të shfaqen dhimbje në mëngjesin e një nate të fjetur në orë të vona edhe në rast se personi fle në orare të caktuara gjatë javës dhe në fundjave fle 1-2 orë më tepër mund të ndikohet nga dhimbjet.

Hormonet : një nga nxitësit më të mirë të migrenës është dhe cikli menstrual. Dhimbjet mund të shfaqen 1-2 para menstruacioneve, në mes të ciklit ose 1-2 ditë pas tyre.

Drita dhe zëri i lartë: dritat vezulluese dhe zëri i lartë mund të nxisin migrenë. Krahas kësaj ndjeshmëria ndaj dritës dhe zërit të lartë shfaqet gjatë dhimbjeve. Ushqimet dhe lëngjet : turshitë, frutat e thata , sallamrat , nitrati i gjendur në produktet e mishit , tiramina e gjendur në djathërat e vjetër , soja dhe supërat e gatshme nxisin migrenë. Alkool: alkooli është një nga nxitësit më të mirë. Ndërsa vera e kuqe njihet si nxitësit më të sigurtë të migrenës.

Ndryshimet klimaterike : ndryshimet në presionin , temperaturën dhe lagështirën e ambjentit mund të nxisin migrenën. Zakonisht të sëmurët ankohen për shtimin e dhimbjeve në rast kur koha është me stuhi.

Aktivitet fizik i papritur dhe i ngjeshur

Ilaçet: hapat kontraceptive apo ilaçet që zotërojnë veçorinë e zgjerimit të enëve të gjakut mund të jenë shkak i fillimit të dhimbjeve të migrenës.