Cfare e shkaterron bukurine!

Edhe pse secila vajzë e ka rutinën e saj për bukurinë, ndonjëherë jemi të prirë që t’i harrojmë të gjitha këshillat e dobishme dhe mënyrat, dhe të fillojmë të bëjmë gjëra të cilat e shkatërrojnë shëndetin dhe pamjen. Nëse kemi zakone të këqij, duhet që sa më pari t’i zhdukim. Disa gjëra mund që të përmirësohen dhe që sot thoni lamtumirë armiqve më të mëdhenj të bukurisë suaj.

- Fërkimi i syve: Së pari, me fërkimin e syve në të njëjtën kohë e shkatërroni grimin, dhe çka është më e keqja mund që ta irritoni mukozën e syrit, por edhe hapësirën e ndjeshme përreth syve. Sytë e irrituar shumë shpejt skuqen, dhe u duhet kohë që të rikthen në gjendjen normale. Sytë më së shpeshti i fërkojmë kur jemi të lodhur, kështu që herën tjetër sa herë që dora ju shkon kah sytë, kujtoni për atë që kanë nevojë-pushimin. Lehtë mbyllni sytë me shuplaka për një minutë ose dy dhe lironi. Relaksohuni, bëni shëtitje të shpeshta nëse kaloni shumë kohë para televizorit apo kompjuterit, dhe kështu sytë e shëndoshë nuk do të kërkojnë asnjë fërkim.

- Kafshimi i buzëve: Nëse i kafshoni buzët kur jeni të nervozuara dhe këtë e bëni pa vetëdije, apo mendoni që ky është gjest shumë joshës, hiqni dorë nga ky zakon i keq sa më parë që është e mundur, para se të lëndoheni. Në vend të kësaj, gjithmonë me vete mbani balsam apo labellë me të cilën shpesh do i lyeni buzët e juaja dhe kështu ato do t’i mbani të freskëta, të shëndetshme dhe të qeta. Shenjat nga lëndimet nuk u duken aspak seksi asnjë mashkulli. Kohë pas kohe rekomandohet që buzët t’i ushqeni me mjaltë. Vendoseni në buzë në shtresë të hollë, dhe leni të qëndrojnë ashtu disa minuta. Do të shihni se si buzët tërë mjaltin në mënyrë magjike do ta thithin.

- Ndarja e grimit: Femrat grimin do ta ndajnë me shoqen më të mirë duke menduar se me këtë veprim do të dëshmojë se: “Ju besoj”. Por, ndarja e grimit nuk është aspak higjienike. Do të pyeteni se çka i ndodhi buzëkuqit apo lajnerit? Asgjë. Por, ju dhe shoqes suaj mund t’ju ndodh. Sepse produktet kozmetike janë burim i baktereve. Vetëm huazimi i maskarës mund të dërgojë në infeksion. Mos të flasim për vendosjen e grimit nga sfungjeri i njëjtë. Kështu, nëse nuk mundeni që t’i thoni “jo” mikes suaj, madje me vete mbani mjete rezervë. /zeri/