Ndikimi i kalciumit në zemrën e femrave!

Femrat te cilat kane nivel me te larte te kalciumit ne organizëm, kane rrezik dy here me te madh nga pësimi i sëmundjeve te zemrës ne krahasim me ato te cilat kane nivel normal.

Ne studimin e ri, te cilin e kane bere studiuesit nga Universiteti i Upsales ne Suedi, theksohet se si konsumimi shtese i kalciumit mund ta dëmtojë me shume organizmin sesa t'i beje mire atij, sidomos ne rastin e "mbidozës".

Qindra mijëra femra te moshave mbi 50 vjeç, konsumojnë kalcium shtese ne mënyrë qe ta parandalojnë paraqitjen e osteoporozës ose dobësimit te eshtrave. Por, studimi i ri zbulon se femrat qe konsumojnë sasi dyfish me te larta sesa ajo e rekomanduara, kane rrezik me te madh nga vdekja si rezultat i sëmundjeve kardiovaskulare.

Ne studim kane marre pjese 61.443 femra te moshave prej 50 vjeç e me shume, ndërsa gjendja e tyre është ndjekur gjate 19 vjetëve. Rezultatet kane zbuluar se gjate 19 vjetëve te fundit, 17 për qind e femrave qe kane marre pjese ne studim kane vdekur: 32 për qind nga sëmundjet kardiovaskulare, 16 për qind nga sëmundjet e zemrës dhe 8 për qind nga sulmi ne tru.