Efekti qetësues i një përqafimi!

Kohëzgjatja e një përqafimi është mesatarisht 3 sekonda.

Por studiuesit kanë zbuluar diçka të jashtëzakonshme. Kur një përqafim zgjat 20 sekonda, ai prodhon në trup dhe mendje një efekt terapeutik. Një përqafim i sinqertë prodhon një hormon që quhet oksitocinë, i njohur ndryshe edhe si hormoni i dashurisë. Kjo substancë ka efekte pozitive në shëndetin tonë mendor dhe fizik dhe na ndihmon të ndihemi më të sigurt, të largojmë frikërat dhe ankthet.

E pra, një qetësues i tillë ofrohet falas sa herë përqafojmë dikë, sa herë tundim në krahë një bebe, sa herë përkëdhelim macen apo qenin, sa herë vallëzojmë me partnerin apo mbështetemi te një njeri i dashur.