Hapësirat e gjelbra favorizojnë mirëqenien e njerëzve!

Gjelbërimi pra është i favorshëm për mirëqenien dhe lumturinë tonë. Ilaçi më i mirë për të rimarrë formën dhe moralin është qëndrimi në një zonë të gjelbër ... Studiuesit në Universitetin Exeter, në Britaninë e Madhe, dëshironin të zbulonin nëse personat që jetonin në zonat urbane afër hapësirave të gjelbëruara ishin më të lumtur se të tjerët. Për ta bërë këtë, ata analizuan të dhënat nga një anketë e evolucionit të mirëqenies në më shumë se 5.000 familje britanike nga viti 1991-2008.

Ata arritën në përfundimin se familjet që jetonin në afërsi të një zone urbane të përbërë nga hapësira të gjelbra ishin shumë më të lumtur se të tjerët, pavarësisht nga ndryshimet në të ardhura, në statusin civil ose shëndetësor.

Hulumtuesit kanë shkuar edhe më tej duke matur nivelin e mirëqenies që vjen nga jetesa afër një hapësirë të gjelbër në krahasim me disa momente të rëndësishme të jetës. Ata zbuluan se gëzimi i të jetuarit afër një hapësirë të gjelbër do të jetë i barabartë me një të tretën e atij gëzimi që ndjehet në ditën e martesës suaj ose një e dhjeta e lumturisë që keni kur ju punësoheni. Këto rezultate mund tu shërbejnë planifikuesve të urbanistikës!