Dëgjimi i muzikës për 30’ ju bën zemrën të rrahë më mirë!

Sipas një studimi, dëgjimi i muzikës së preferuar sjell mirëqenie për trupin dhe mendjen. Muzika i bën mirë zemrës. Mjafton ta dëgjosh gjysmë ore në ditë për të përmirësuar funksionet kardiake dhe aftësinë për të zhvilluar ushtrime fizike. E tregon një studim të prezantuar në kongresin e përvitshëm të "European Society of Cardiology" në Amsterdam, nga "Marina Deljanin Ilic" e Universitetit të Nis në Serbi. Dëgjimi i muzikës së preferuar sjell mirëqenie për trupin dhe mendjen. Në nivel organik lidhet me prodhimin e endorfinës dhe substancave të tjera përfituese për trupin tonë. Kardiologët kanë studiuar për disa javë një grup pacientësh, duke i nënshtruar në tre regjime të ndryshme ushtrimesh: dëgjimi i muzikës së preferuar, ushtrimi fizik dhe një kombinim i të dyjave.

Doli se grupi që dëgjonte muzikë dhe bënte ushtrime kishte një shtim të aftësive ushtrimore dhe të shëndetit kardiak me 39%. Madje dhjetë pikë përqindje më shumë sesa vetëm me ushtrim fizik. Grupi që duhet vetëm të dëgjojë muzikë, ka shfaqur përmirësime të shëndetit kardiak me 19%. Muzika, me pak fjalë, nëse është ajo që pëlqehet, të bën vërtet... "të rrahë zemra fort".