Akupunktura liron dhembjet e shpinës!

Akupunktura, e bërë me kruese dhëmbësh apo me gjilpëra, ka sjellë më shumë qetësi tek njerëzit me dhembje shpine sesa mjekimet standarde, thotë një hulumtim amerikan. Por studimi, i cili shfaqet në Archives of Internal Medicine, ngre pyetje të reja se si funksionon akupunktura. “Studimi ynë tregon se nuk ju duhet t’u fusni gjilpëra njerëzve për t’i arritur të njëjtat efekte”, – thotë ai që ka udhëhequr studimin, dr. Daniel Cherkin nga Grupi i Qendrës Shëndetësore për Studimet Shëndetësore në Siatëll. “Historikisht, disa lloje të akupunkturës kanë gjilpëra jopenetruese. Llojet e tilla të mjekimit mund të përfshijnë efektet fiziologjike të cilat bëjnë ndryshim klinik”, – thotë dr. Karen Sherman, e cila ka punuar në studim. Ekipi ka dëshiruar të studiojë efektet e disa llojeve të akupunkturës në një studim të madh dhe njëkohësisht të kontrolluar me kujdes të 638 pacientëve me dhembje kronike të shpinës së poshtme. Ata kanë ndarë pacientët në disa grupe. Një grup ka marr mjekim standard të akupunkturës i njohur të jetë efektiv për dhembje shpine.

Kurse një grup tjetër ka marrë mjekim me akupunkturë individualisht të përshkruar për secilin.

Grupi i tretë është mjekuar duke përdorur kruajtëse dhëmbësh të vendosura në një gyp udhëzues me anë të të cilit nuk është shpuar lëkura ashtu sikur e bën akupunktura e rregullt, por gjithmonë duke qëlluar pikat e akupunkturës. Me fjalë të tjera, të njëjtët vende ku do të ishin shpuar me anë të gjilpërave në mjekimin e rregullt me akupunkturë.

Grupi i katërt ka marrë mjekim standard, i cili përfshinte medikamente (barna ilaçe) dhe terapi fizike.

Rezultatet e akupunkturës

Pas gjashtë javësh, 60% e pacientëve të cilët kishin marr një lloj të akupunkturës raportuan përmirësime të domethënëse në aftësitë e tyre të funksionimit krahasuar me 37% të atyre që kishin marr vetëm kujdes mjekësore standard. Për shumë pacient, përmirësimi ka zgjatur me vite, shkruajnë ata. Por nuk kishte ndryshim domethënës në zbutjen e dhembjeve që njerëzit arritën duke përdor gjilpëra apo kruese dhëmbësh. Një studim tjetër ka zbuluar se vetëm me prekje të butë të lëkurës mund të nxisim disa reagime emocionale dhe hormonale, reagime të cilat sqarojnë të mirat, shkruajnë ata. Apo, thjeshtë mund të jetë që vetëm vizita e një akupunkturisti për mjekim që ndihmon. Pa marrë parasysh se si funksionon, ata thonë që akupunktura duket të jetë relativisht e sigurt dhe mënyrë pa dhembje për të lehtësuar një shpinë me dhembje, veçanërisht kur mjekësia tradicionale dështon si e vetëm. Por një shqyrtim i 13 provave që është publikuar në “British Medical Journal” ka zbuluar efekt të vogël anagjetik, por nuk ishte në gjendje t’ia atribuoj akupunkturës.

Autorët thonë “se është e paqartë nëse shpuarja me gjilpërë në pikat akupunkture apo në çfarëdo vendi tjetër, zvogëlon dhembjet pavarësisht ndikimit fiziologjik të ritualit të mjekimit”. /ikub/