Edhe një vlerë e panjohur e kafesë!

Pas një filxhani kafeje apo çaji, shumë njerëz ndjehen të rigjallëruar, gati për t'u përballur me ngarkesën e ditës. Por, një studim arrin në përfundimin se efektet janë shumë të mira edhe në kujtesë. Për të zbuluar nëse ka ndonjë ndikim, profesori i neurobiologjisë në Universitetin e Kalifornisë në Irvajn, Mike Yassa dhe kolegët e tij u kërkuan një grupi njerëzish të mësonin diçka të re dhe pastaj u jepnin një sasi kafeine.

“Pasi mëson diçka të re, duhet kohë që kujtesa të aktivizohet dhe ajo që u mësua të mos harrohet. Gjatë 24 orëve të para ndodh pjesa më e madhe e harresës. Duke ndërhyrë me kafeinë, kërkuam të shihnim nëse mund të ulej ritmi i harresës gjatë kësaj periudhe”.

Jasa dhe koleget e tij mblodhën një grup prej 160 vetësh qe nuk pinin pije me kafeine si pjesë të dhe i pyetën nëse ndodheshin në shtëpi apo në mjedise të hapura. Me pas, pjesëmarrësit morën një tablet me kafeinë, të tjerët një tablet pa kafeinë.

Të nesërmen, studiuesit u treguan pjesëmarrësve fotografi të tjera. “Kur u duhej të përdornin kujtesës për tu përgjigjur, zbuluam se pjesëmarrësit që kishin marrë kafeinë, ata përgjigjeshin saktë në një përqindje shumë më të lartë”. Studiuesi Jasa thote se ata kishin marre kafeine, kishin një rritje me 10-12% ne aftësinë për te kujtuar objektet. Sasia e kafeinës që u përdor në studim është e barasvlershme me një filxhan kafeje te forte ose me dy ekspresë. Ai thotë se konsumi i një sasie pak më të madhe kafeine sillte rritje te mëtejshme te kujtesës, por edhe krijonte nervozizëm tek pjesëmarrësit.