Erëzat që bëjnë mirë për shëndetin!

Erëzat jo vetëm që e bëjnë shijen e ushqimit më të mirë, por ato janë të shëndetshme. Njerëzit kanë zbuluar dobitë e erëzave kohë më parë. Më poshtë do të mësojmë se si të marrim më të mirën prej aromave. Këtu janë 4 erëzat që janë të mira për shëndetin tuaj.

Piperi i zi

Kjo erzë është e pashmangshme në pothuajse çdo vakt, por a e dinit se piperi i zi, është gjithashtu shumë i mirë për shëndetin tuaj? Vetëm dy lugë të mesme piper i zi përmbajnë 9% vitaminë K dhe 7% hekur.

Piperi i zi përmirëson tretjen, zvogëlon prodhimin e gazrave në zorrë dhe mundësinë e fryrjes pas një vakti të madh. Piperi i zi gjithashtu ju ndihmon të shpëtoni prej toksinave nga trupi, duke nxitur djersitjen dhe urinim. Lëkura e piperit kokërr nxit ndarjen e qelizave yndyrore, e cila çon në humbje efektive të peshës.

Xhenxhefili

Xhenxhefili është një multitasker i vërtetë në mesin e erëzave. Çaji i xhenxhefilit lehtëson dhimbjen e stomakut, si dhe dhimbjen e kokës, dhimbjet menstruale, artritin dhe dhimbjet e muskujve.

Çaji xhenxhefilit dhe shurupi xhenxhefilit mund të jenë një ndihmë e madhe, kur bëhet fjalë për kollitje, madje edhe sulmet e astmës. Çaji i nxehtë i xhenxhefilit ju lejon të merrni frymë më lehtë. Gjithashtu thuhet se është shumë i dobishëm për të ulur presionin e gjakut dhe nivelet e kolesterolit. Xhenxhefilin mund ta përdorni në pije, në gatimet e mishit, por dhe ëmbëlsira. Bëjeni pjesë në dietën tuaj dhe gëzoni të gjitha përfitimet shëndetësore që sjell ai.

Speci djegës

Arsyeja kryesore se pse specat djegës janë të mirë për shëndetin tuaj quhet "capsaicin". Ky përbërës është përgjegjës për "nxehtësinë" e specave dhe dihet tashmë që ka efekte të forta anti-kancerogjene. Për më tepër, specat djegës janë përdorur për të përmirësuar qarkullimin, të lehtësojnë tensionin e muskujve dhe kongjestionin e shkaktuar nga i ftohti.

Kanellë

Një nga barnat e zakonshme kundër kollitjes është një lugë çaji mjaltë e përzier me pluhur kanellë. Kanella është përdorur si një nuancë shëruese për shekuj me radhë.

Kanella ka provuar që ul sheqerin në gjak dhe normalizon nivelet e kolesterolit. Ajo ka aftësi të forta detoksifikimi dhe përmirëson funksionin e trurit. Mund të bëjë mrekulli kur bëhet fjalë për infeksione në fshikëzën urinare. Në fakt, një filxhan çaj kanellë është plotësisht në gjendje të çlirojë nga infeksioni, nëse merret në 24 orët e para.

Këto janë të gjitha erëzat, që shumica prej nesh përdorin shpesh, por nuk jemi shumë të vetëdijshëm për përfitimet e tyre në shëndetin tonë. Tani që e dimë, le t'i përfshijmë këto erëza në dietën tonë gjithmonë e më shpesh. /ikub/