Shenjat që tregojnë nëse zemra juaj është apo jo e shëndetshme!

Indeksi i masës trupore, perimetri i belit, kolesteroli, sheqeri në gjak dhe presioni i gjakut, janë parametra që tregojnë nëse jeni në rrezik nga sëmundjet kardiovaskulare, të tilla si: sulmi në zemër ose goditja në tru. Nëse këto pesë parametra janë në rregull, është e lehtë për ta vërtetuar me ekzaminim nga mjeku i përgjithshëm, ju mund të jeni të sigurt se nuk vuani nga zemra dhe enët e gjakut.

Megjithatë , në qoftë se ndonjë nga këto pesë parametra nuk është brenda kufijve të rekomanduar, është koha për të bërë diçka për shëndetin tuaj, sidomos për zemrën tuaj. Mjeku i përgjithshëm do të duhej t’i kontrolloj të gjitha këto parametra dhe nëse vlerëson se pacienti është në rrezik, për shkak se, le të themi, është mbi peshë dhe nëse ndonjë nga këta pesë parametra janë jashtë kufijve normal, pacienti menjëherë duhet të vizitoj internistin për ekzaminim të plotë.

Shëndeti ynë është në rrezik në qoftë se më shumë se një nga parametrat e sipërpërmendur nuk është në suazat normale, pasi që pasojat e sëmundjeve ndërlidhëse përbëjnë një problem serioz për shëndetin dhe në mënyrë të konsiderueshme reduktojnë jetëgjatësinë. Ushtrimet fizike janë pa dyshim rekomandimet kryesore për një jetë të shëndetshme, por sot ka shumë njerëz të rinj me sëmundje të zemrës kështu që nëse merreni me sport, sugjerohet të paktën një herë në gjashtë muaj deri në një vit, të bëni kontrollimin mjekësor.

Përveç aktiviteteve sportive, madje edhe atyre rekreative, për të pasur enët e gjakut të shëndetshme, keni nevojë për ushqim të shëndetshëm dhe të ekuilibruar që përfshin pesë racione, me shumë lëngje dhe duke shmangur ushqimin e shpejtë.

1. Indeksi i masës trupore

Indeksin e masës trupore mund të llogaris secili dhe në qoftë se është më i lartë se vlera e rekomanduar, atëherë duhet të merren masat parandaluese duke vizituar mjekun e përgjithshëm. Ky është një raport i lartësisë dhe peshës së një personi dhe llogaritet duke pjesëtuar peshën në kilogram ndarë nga lartësia në metra katrore ( BMI = kg/m2 ). Nëse BMI (Body mass index) është nën 18.5, kjo flet për kequshqyerjen, vlera normale është ndërmjet 18.6 dhe 24.9, kurse 25-29,9 është mbipeshë dhe njerëzit me një indeks të masës trupore më lartë se 30, konsiderohen të trashë.

2. Parametrat e belit

Depozitat në bark, rreth belit, mund të përbëjnë një rrezik të veçantë për zemrën dhe të shkaktojnë diabetin tip 2. Nëse e dini perimetrin e belit tuaj, do të dini nëse jeni në rrezik nga sëmundjet kardiovaskulare. Gratë nuk do të duhej të kenë perimetrin e belit më të madh se 89 cm, kurse burrat jo më shumë se 102 centimetra.

3. Kolesteroli

Kolesteroli i lartë në gjak është shkak për sulm në zemër ose goditje në tru. Kufiri i kolesterolit të keq ( LDL ) është 3.2. Kolesteroli i mirë ( HDL ) duhet të jetë i lartë pasi ai në fakt i mbron enët e gjakut tonë. Në qoftë se rezultatet tregon se keni kaluar kufijtë, kërkoni një rekomandim për të vizituar internistin.

4. Sheqeri

Kufizimi i sasisë së sheqerit në gjak është 6.1. Vlerat mes 6.1 dhe 7, janë një tregues për të bërë testin e glukozës i cili tregon nëse është fjala në lidhje me diabetin. Nivelet e sheqerit në gjak mbi 7, konsiderohet diabet. Nëse tek personat e trashë, gjatë dy ekzaminimeve tregohet një rezultat mbi 7, menjëherë aplikohet terapia. Vlerat në mes të 6 dhe 7, tregojnë për rrezikun para diabetit, prandaj duhet aplikuar aktivitetet fizike dhe ushqimin e shëndetshëm. Diabeti, përveç se rrit rrezikun e sëmundjeve kardiovaskulare, sjell edhe sëmundjet e syve të veshkave.

5. Presioni i gjakut

Vlera normale e presionit të gjakut është 135/85 dhe vlera e kufizuar mbi të cilën konsiderohet se pacienti vuan nga tensioni i lartë, është 140/90. Këto parametra janë të vlefshme për një person i shëndetshëm. Në qoftë se bëhet fjalë për një pacient me një diagnozë të sëmundjes kardiovaskulare, këto vlera duhet të jetë disi më të ulëta. Kufiri më i ulët për presionin e gjakut është 110/70, çdo gjë më poshtë, është tensioni i ulët i gjakut. Ndryshimet e vogla në stilin e jetës munden lehtë të rregullojnë tensionin e gjakut dhe do të sigurojnë funksionimin normal të zemrës tuaj. /ikub/