Lënia e cigares lufton stresin!

Duhanpirësit që besojnë se nëpërmjet cigareve çlirojnë stresin e tyre, në fakt bëjnë të kundërtën. Të paktën, ky është përfundimi i publikuar në “British Medical Journal”, pas një pune kërkimore 26-vjeçare të universiteteve të Birmingham-it, Oksford-it dhe “King’s College” të Londrës. Në bazë të statistikave të grumbulluara nga mijëra ekzaminime, ekspertët gjetën se lënia e duhanit mund të jetë po aq efektive në luftën ndaj depresioni dhe ankthit sa edhe antidepresivët.

Tek ish-duhanpirësit, skuadrat e ekspertëve arritën të identifikonin një rënie të nivelit të stresit.

”Cilësia e jetës psikologjike përmirësohet nga shpëtimi prej varësisë, ndërsa humori dhe cilësia e jetës shfaq një përmirësim të menjëhershëm tek ish-duhanpirësit”, shkruhej në përfundimet e kësaj analize.

Pjesëmarrësit në këtë studim kishin një moshë mesatare prej 44 vjeç dhe konsumonin 20 cigare në ditë. Ata u analizuan hollësisht për gjashtë muaj të jetës së tyre, ndërsa gjatë realizimit të studimit, disa qindra prej pjesëmarrësve në të pranuan që të linin cigaren për hir të këtij studimi./ikub/