Cili është qyteti ku jetohet më mirë në botë?!

Kompania e konsulencës, "Mercer", analizon 223 qytete në të gjithë botën mbi bazën e 10 parametrave.

Vjena është qyteti më i mirë për të jetuar, i ndjekur nga Zyrihu dhe Auckland. Duket se këto te vende të para kanë mbetur të palëvizura në krahasim me renditjen e vitit të kaluar, që përpilohet nga kompania e konsulencës, "Mercer", e cila analizon 223 qytete në të gjithë botën mbi bazën e 10 parametrave për të ndihmuar biznesmenët në adresimin e duhur të investimeve të tyre. Kështu del se Zyrihu është qyteti më i mirë nëse kërkohet stabilitet politik dhe siguri në ligje. Ndërsa Londra ose Frankfurti janë për cilësinë e shërbimeve publike dhe transporteve.

Ndër të tjera bie në sy fakti që Londra ka mbetur fikse në pozicionin e 38-të prej 3 vitesh. Vjena vazhdon të konsiderohet si qyteti më i jetueshëm, mirëpo ka një parametër që austriakët ende nuk arrijnë të mposhtin: shanset rikreative, gjë për të cilën ka ende shumë për të mësuar. /ikub/