Faktorët që ndikojnë negativisht në humorin tonë!

Respektimi i orarit të gjumit. Nëse nuk duam të rrezikojmë të biem në gjendjen e humorit të keq, apo të kapemi papritur nga ndjenja e ankthit dhe stresit, duhet të respektojmë orën biologjike të gjumit. Shoqëria: Kërkime të ndryshme kanë treguar se emocionet janë ngjitëse, çka referuar miqësisë, do të thotë se një mik me humor të prishur, mund të na “infektojë”. Mungesa e vitaminave: Vitaminat, substancat e domosdoshme për organizmin e njeriut, luajnë një rol shumë të rëndësishëm në luhatjet tona të humorit.

Rritjet në detyrë: Gjithkujt mund t’i duket paradoksal, fakti se përse rritjet në detyrë, në vend që të na lumturonin më shumë, sepse nënkuptojnë edhe të ardhura më të mëdha, në fakt na shkaktojnë më shumë ankth dhe stres. Studimi i kryer në një universitet në SHBA, tregon se promovimi në punë, na bën që të vendosemi nën një presion edhe më të madh, pasi përgjegjësia bëhet në këtë mënyrë, edhe më e madhe dhe shkak për luhatjet e humorit. Ata të cilët ngrihen në detyre, pas kësaj, “humbasin” mesatarisht 10 % të shëndetit të tyre mendor.

Ushqimet që konsumojmë: Produkte të ndryshme ushqimore, jo vetëm mund të sjellin dhimbje koke, stomaku, fryrje barku, apo të shkaktojnë të vjella dhe luhatje të tensionit, por nga ana tjetër, ato janë ndikuese në një masë të konsiderueshme edhe të luhatjeve të humorit tonë, mërzitjeve që përjetojmë dhe stresit. Kushtet fiziologjike dhe psikologjike të organizmit tonë janë ngushtësisht të lidhura me njëra-tjetrën, ndaj, ushqimi, si një prej furnizuesve tanë të ekzistencës, ndikon në mënyrë të veçantë, edhe në gjendjen e humorit.