Festivalet janë klanore dhe nuk marr pjesë më!

Intervistë me këngëtarin Hysni Klinaku

Këtë zhanër që e këndoi ndjehem mirë në të. Me gjithë se koha në të cilën po jetojmë, nuk po më lejon gjithmonë të bëjë muzikën që unë dua. Mua me gëzon fakti se dalloi nga këngëtarët tjerë dhe se çdo artist i çdo lëmi që merret më art kur arrin të krijoj stilin e tij të veçantë në interpretim ai ia ka arritur qëllimit, sepse ky edhe duhet të jetë synim i çdo artisti.

Jeni një këngëtar i njohur a e kishit të vështirë të arrini suksese?

Hysni Klinaku:Si çdo këngëtar edhe unë fillimin e kam pasur të vështirë, por vullnetin e madh. Megjithëse fillimisht kurrë nuk kam menduar se muzika do të më bëhet profesion, derisa kaluan vite dhe e kuptova se duhej të merresha seriozisht me të dhe vendosa ta studioi.

Si nisi karriera juaj artistike?

Hysni Klinaku:Po kam filluar në shkollën fillore me arsimtarin Vehbi Vatovci, pastaj në shoqëritë kulturore artistike të qytetit të Obiliqit, më vonë në Shoqëritë Aksionare të Prishtinës e në vitin 1992 u regjistrova në fakultetin e arteve në Prishtinë në drejtimin e Solo-këndimit.

Këndoni një zhanër të veçantë nga këngëtarët tjerë, pse zgjodhët këtë zhanër?

Hysni Klinaku: Po unë këtë zhanër që e këndoi ndjehem mirë në të. Me gjithë se koha në të cilën po jetojmë, nuk po më lejon gjithmonë të bëjë muzikën që unë dua. E me qenë se ju më thoni se për kah zhanri dalloni nga këngëtarët tjerë mua me gëzon ky fakt se çdo artist i çdo lëmi që merret më art kur arrin të krijoj stilin e tij të veçantë në interpretim ai ja ka arritur qëllimit,sepse ky edhe duhet të jetë synim i çdo artisti.

Kohët e fundit keni mbajtur një koncert solistik, na flisni me gjerësisht?

Hysni Klinaku: Po më 1 shkurt të këtij viti kam mbajtur një koncert solistik, më vepra të kompozitorëve shqiptarë, e kam mbajtur në sallën e kuqe të pallatit të rinisë në Prishtinë dhe kam qenë i përcjellë në piano nga Misbah Kaqamaku. Për një orë program kam kënduar këngët e Cesk Zadese, Rauf Dhomit. Limoz Dizdarit,Mendi Mengjiqit,Zef Qobes ,Mark Kaqinarit etj. Koncerti i mbajtur në Prishtinë njëkohësisht ka qenë provimi i tretë në studimet pos-diplomike në fakultetin e Shkupit.

Cilat janë synimet tuaja gjatë këtij viti dhe çfarë risi do ti ofroni publikut tuaj?

Hysni Klinaku:Po këngët e këtij koncerti i kam incizuar dhe i kam përmbledhur në një CD- të cilën mendoj ta editoj edhe për publikun e gjerë. CD-në e kam titulluar “Duke menduar për bukurinë”, e më pastaj mendoj ta bëjë një singëll dhe do t’ia bashkangjes videoklipin. Gjatë verës jam i prenotuar të këndoj nëpër mbrëmje të ndryshme.

Vitin që shkoi keni pasur shumë synime a ju ka mbetur diçka pa kryer e që kishit pasur dëshirë ta realizoni?

Hysni Klinaku:Po kryesisht edhe në jetë jam një realist..., nuk ëndërroj shumë edhe nuk bëjë shumë plane. Jam i kënaqur me vitin që kaloi, kam edituar albumin “Merre këtë dhuratë” dhe kam realizuar dy videoklipe, kam dhënë shumë provime në fakultetin e Shkupit.

Me cilat aktivitet tjera merreni pos këndimit?

Hysni Klinaku:Pos këndimit merrem nga pak edhe me orkestrime të këngëve të lehta dhe popullore dhe më incizimin e tyre, tërë paraditen e kaloi në studio duke punuar për këngëtarë të ndryshëm, por edhe për vete.

Keni marr pjesë në shumë koncerte, ahengje, e manifestimet tjera, ku e ndieni vetën më mirë?

Hysni Klinaku:Po kam marr pjesë edhe në koncerte edhe në mbrëmje të ndryshme muzikore e siç e ceka në përgjigjen paraprake edhe në realizimin e këngëve në studio,në tri këto raste e ndjej veten mirë, sepse mund të jap diçka nga vetja ime për publikun.

Cili ishte çmimi më i rëndësishëm në karrierë që kini mare,dhe cili është ai i fundit?

Hysni Klinaku:Kam marr disa çmime në festivalet tona si në Akordet e Kosovës, Polifest, Zambakun e Prizrenit etj, por më kohë jam tërhequr nga festivalet se nuk e kam gjetur veten në këto festivale. Sepse organizimet e tyre janë klanore, kurse nga paraqitjet e mija nëpër koncerte kisha veçuar koncertin në Tiranë me Ansamblin e Këngëve dhe Valleve “Shota”, ku nga publiku tiranas jam kthyer të këndoi edhe këngën e tretë.

Si është harmonia e juaj familjare?

Hysni Klinaku:Po kam një jetë të rehatshme në familje jetoj me gruan Bardhen dhe fëmijët Lumbardhën e Lironin, kryesisht kur nuk këndoi në mbrëmje prej orëve të pasdites. Jam më ta dhe kujdesëm që harmonia në familjen time të jetë në nivel, sepse është edhe çelësi i suksesit për çdo këngëtarë.