Qethja sipas formes se ftyres

Qethja sipas formës së fytyrës



Në mënyrë që ta dini se ç’formë të fytyrës keni, qitni tërë flokët prapa dhe lidhni. Më pas, shikojeni linjën e flokëve dhe mjekrës
Forma e fytyrës përcakton se a do t’ju rrijë mirë një stil i caktuar flokësh, apo jo. Në mënyrë që ta dini se ç’formë të fytyrës keni, qitni tërë flokët prapa dhe lidhni. Më pas, shikojeni linjën e flokëve dhe mjekrës. Nëse kjo ndihmon, në fytyrë mund të vizatoni edhe pika me laps për sy, për ta caktuar më lehtë formën e fytyrës suaj. Nëse keni fytyrë në formë të zemrës, harroni stilet e flokëve me flokë tepër të shkurtra, në mënyrë që të mos zhgënjeheni më vonë. Ja edhe hollësitë shtesë, për çdo tip të fytyrës.
Fytyra katrore
Ky tip i fytyrës, që njihet për nga mjekra katrore dhe vija e flokëve, po ashtu katrore, më së miri duket me flokë të rregulluara shtresore. Flokët e gjata mund të jenë lehtësisht të dredhura. Nëse keni flokë të shkurtra, sikur aktorja Salme Blair, do t’u rrinë mirë flokët e qethura në mënyrë jouniforme, të ndara anash. Fytyrë katrore kanë edhe aktoret Guinet Paltrou dhe Xhenifer Garner.
Fytyra rrumbullake
Fytyra rrumbullake, ashtu si e ka psh Kameron Diaz, mund të njihet për nga balli dhe mjekra me gjerësi të njëjtë, me faqe të theksuara. Nëse keni flokë të gjata, bëni dredha të gjera e të mëdha, të kombinuara me shtresa të shkurtra që i mbulojnë anët e fytyrës dhe formojnë vëllim nga ana e pasme. Flokët e shkurtra mundeni t’i qethni në atë mënyrë që, në pjesën e epërme, i lini më të gjata, kurse anash, më të shkurtra. Fytyrë të rrumbullakët kanë edhe Xhenifer Hadson dhe Rene Zellueger.
Fytyra ovale
Fytyra ovale e ka ballin dhe pjesën e poshtme të gjerësisë së njëjtë, por është më e gjatë se fytyra rrumbullake dhe nuk ka faqe aq të theksuara. Nëse keni flokë të gjata dhe fytyrë ovale, do t’u rrinë mirë shumë stile flokësh, duke filluar nga ato krejt të drejta, e deri te ato dredha-dredha. Fytyrë ovale kanë Eva Longoria, Kejt Uinslet dhe Bejons.
Fytyra si zemër
Ky lloj i fytyrës dallohet për nga bali i gjerë dhe mjekra e ngushtë. Nëse keni flokë të gjata, mund ta kopjoni stilin e Ris Uidhërspunit, me tufa të gjata të hedhura anash. Nëse keni flokë të gjatësisë mesatare, atëherë preferohet që të keni tufa të flokëve të gjatësisë mesatare, që i rrethojnë sytë, e nëse përcaktoheni për flokë të shkurtra, atëherë më së miri do t’u rrinë flokët e ndara anash dhe shtresat e gjatësisë deri në mjekër. Këtë formë të fytyrës e kanë edhe Kristina Riçi dhe Xheni Mekarti.