A do të ketë duet nga Adelina këtë verë?

Adelina Ismajli shpalos disa nga planet e saj për këtë verë në këtë pjesë të shkëputur nga një intervistë e gjatë dhënë për “YlliPress”. Lexojeni për të kuptuar planet për këtë verë dhe me është duke u marrë këto ditë ajo.

- Ju aktualisht ndodheni në Francë. Me çfarë po merreni konkretisht aty?

Me punën që di ta bëj më së miri, me muzikë (qesh). Asgjë më shumë nuk do t`ju tregoj (qesh) Ka kohë...

- Adelina ju keni patur edhe kontratë me rrjetin “Media Markt” që merret me shitjet e albumeve të yjeve të muzikës. Sa e kënaqur ndiheni për
këtë arritje dhe sa ju ka ndihmuar kjo kontratë?

Më është realizuar një ëndërr që nuk kam guxuar ta ëndërroj kurrë. Kjo kontratë bëri që DVD e imja te jetë në të njëjtin raft karshi emrave më të spikatur të muzikës botërore. Sa më ka ndihmuar, vlerësojeni vet (qesh).

- Duke qenë se kontrata juaj e parë ka përfunduar pasi tirazhi i parë është shitur, keni në plan që të krijoni sërish një kontratë të re?

Është çështje e labellingut dhe menaxhmentit tim...Ok,po (qesh). Kemi përtërirë kontratën për editimin e tirazhit të dytë.

- Kemi dëgjuar që do të bëni një editim të albumit tuaj në Europë .Sa e vërtetë është kjo dhe çfarë mendoni se do të përfitoni ju nga kjo risi?

Nuk dua të komentoj asgjë në këtë pikë, para se të ndodhin gjërat. E tëra që guxoj të them është së unë jam njeriu më i lumtur në botë.

- A do kemi ndonjë hit të ri këtë sezon veror dhe nëse po, çfarë rryme do të jetë kënga?

Në Ballkan ende nuk e kam promovuar «Urdhrin e Ri ILLYRIC ». Nuk do ketë këngë tjetër, para se të dëgjohet dhe konsumohet hiti i fundit.

- Cilat janë planet afatshkurtra të Adelina Ismailit?

Koncerte në Kosovë, Mal të Zi, Maqedoni dhe Shqipëri, me ndihmën e Zotit.

- Ndonjë duet të Adelinës do të kemi?

Asnjë duet nuk kam në plan. Po dëgjoj që është duke ardhur një «ekspanzion» i dueteve këtë verë, besoj që do të mjaftojnë edhe pa mua (qesh).