Edhe Kosova rrezikohet nga përmbytjet

Temperaturat do të bien ndjeshëm edhe në vendin tonë. Reshjet e shiut do të vazhdojnë gjatë tërë fundjavës. Instituti Hidrometereologjik i Kosovës paralajmëron rrezikun nga vërshimet.

Në fillim të javës së ardhshme pritet të ketë edhe reshje bore. Ndërkohë në Evropë, vetëm gjatë 24 orëve janë shënuar 12 viktima te reja nga acari.

Temperaturat do të bien gjatë ditëve në vijim në minus gradë përderisa me të rrezikuara nga vërshimet mbesin zonat në rajonin e Dukagjinit. Drejtori i Instititut Hidrometereologjik të Kosovës, Sylë Tahirsylaj thotë se në ditët e ardhshme vendi do të jetë nën ndikimin e masave ajrore me një shkallë të lartë të lagështisë.

Edhe në rajon reshjet e shiut kanë shkaktuar rritje të niveli të ujit në lumenj.