Make-up per femrat me syze

Nëse jeni miope

Te femrat miope, xhamat e syzeve ndikojnë që sytë të duken më të vegjël, prandaj ato nuk duhet të përdorin penel të zi, por hijet më të ndritshme të kadifenjta. Në këtë mënyrë, sytë duken më të mëdhenj. Rimeli vendoset në një shtresë të hollë.
Këshillë: Sytë do të shkëlqejnë nëse në kapakun e poshtëm të syve vendosni tone të bardhë. Mund të përdorni edhe ndonjë nuancë tjetër pastele.

Nëse jeni hipermetrope

Te personat largpamës situata është e kundërt – sytë duken tepër të mëdhenj. Më së miri është që të përdoren hijet e errëta, sidomos për kapakët e epërm të syve. Përdoreni ‘ajlajnerin’ me bollëk.
Këshillë: Pas vënies së maskarës, qerpikët duhet t’i ndani me brushë, meqë nëpër xhamat e syzave të personave largpamës shihet çdo kokërr, sado e vogël të jetë ajo.



Lapsi i syve nuk pengon lentet

Lentet e kontaktit janë zgjidhje e përkryer për të gjithë ata që nuk duan të mbajne syze, por ato kërkojnë një kujdes më të madh në aspektin e mirëmbajtjes. Evitoni hijet pluhur. Përcaktohuni për lapsa shumëngjyrësh, meqë ata nuk lëshojnë kokrra. Mund të jenë të yndyrshëm, gjë që i përshtatet shumë mirë lëkurës së ndjeshme rreth syve.
Këshillë: Kur ta veni grimin, e pasi që keni vënë thjerrëzat e kontaktit, evitoni përdorimin e pudrës pluhur, meqë ajo mund të depërtojë në sy dhe të shkaktojë irritim. Ikub