Qofte Kungulli me Salcë Selinoje

Përbërësit (për person)

* Kungull 150 gr
* Domate 50 gr
* Veze 1 kokërr
* Miell një lugë gjelle
* Menders 4-5 fije
* Selino 1 degë e vogël
* Kos 40 gr
* Pana 20 gr
* Vaj vegjetal për skuqje
* Djathë të bardhë një lugë gjelle

Pregatitja

Kungujt i kalojmë në rende ndërsa domatet i presim në kubikë të vegjël. i bashkojmë në një enë duke shtuar me radhë djathin e bardhë dhe vezën me miellin (të rrahur vec), kripën, piperin dhe mendersin e grirë hollë. Krijojmë një masë jo të ujshme. Ndërkohë, në tigan hedhim vaj vegjetal dhe e nxehim. Kur vaji nxehet marrim me lugë nga masa e pregatitur dhe hedhim në tigan. Skuqim nga të dyja anët, dhe kur kanë marrë ngjyrë të praruar, qoftet i vendosim në një letër kuzhine për të hequr yndyrën e tepërt. Ndërkohë pregatisim salcën duke përzier kosin dhe panan. Krijojmë një masë kremi të cilën e rregullojmë me kripë, pak vaj ulliri dhe selino të prerë hollë. Vendosim qoftet në pjatë dhe i sperkasim me salcën e pregatitur.