Nuk mund ta lini cigaren?

Keni provuar ta lini cigaren por nuk ia keni arritur? Çdo person kalon procese të ndryshme kur lë cigaren, por nëse besoni dhe jeni të vendosur ju mund të shpëtoni nga cigarja e cila ju afron çdo ditë e më shumë afër vdekjes.
Ja disa këshilla që do ju ndihmojnë të lini cigaren bazuar në një shkrim të “Ehow”:

Kur të vendosni të lini cigaren përcaktoni një date brenda dy ditëve të ardhshme. Disa njerëz zgjedhin ditë të veçanta si përvjetorët apo ditëlindjet e fëmijëve. Mbajeni mirë në mendje datën e lënies nëse keni vendosur ta lini.

Tregojini familjes, miqve tuaj të afërt rreth mendimit të lënies së cigares. Në këtë mënyrë si familja ashtu dhe shokët, miqtë tuaj do t’ju mbështesin më shumë. Dhe do ta keni më të lehtë të luftoni me egon tuaj. Një tjetër dobi e tregimit të tjerëve vendimin tuaj për lënien e cigares është mësimi i eksperiencave të njerëzve të tjerë që e kanë lënë më parë atë. Ato persona mund t’ju flasin rreth gjërave të përjetuara dhe t’ju këshillojnë.

Procesi i lënies së cigares është shumë i vështirë. Prandaj duhet ta përgatisni veten para çdo vështirësie. Mendoni çastin kur keni dëshirë të pini një cigare, përcaktoni shkakun që ju shtyn ta pini dhe hidhni hapa përpara për të zhdukur të gjitha shkaqet e mundshme. P.sh nëse e keni pasur zakon të pini një cigare pas drekës atëherë dilni e bëni pak ecje dhe kthejeni në një zakon të përditshëm.

Hiqni të gjithë produktet e duhanit nga shtëpia, makina apo zyra juaj e punës. Sigurohuni që e keni pastruar mirë çdo vend.

Mund të kërkoni ndihmë nga specialistët. Specialistët janë përballur me eksperienca të ndryshme dhe për këtë arsye mund t’ju ndihmojnë në minimizimin e dëshirës për të pirë cigare. /Start/