Luftoni celulitin se po afrohet vera!

Ekzistojnë disa trajtime kozmetike të cilat do t’ju përgatisin për pranverën dhe verën që vjen, kur ju nuk doni të fshiheni nën veshjet tuaja dhe e keni të domosdoshme të tregoni këmbët. Megjithatë, ekzistojnë edhe disa hapa që mund t’i ndiqni vetë në mënyrë që të çliroheni nga celuliti, i cili e bën lëkurën tuaj të plakur dhe të thatë.

Uji është miku juaj më i mirë. Këtë e dëgjoni vazhdimisht, por nuk pini sasi të mjaftueshme të ujit. Miku më i mirë në luftën kundër celulitit, është padyshim H2O, sepse lufton shtresat, nxit qarkullimin dhe zvogëlon grumbullimin e kripës, që kryesisht duket në vithe.

Ushtrimet nuk janë hobi e as nje pushim i përkohshëm. Ushtrimet dhe tendosja e trupit janë kulturë e jetës dhe nuk ekziston asnje arsye pse të mos e aktivizoni trupin tuaj.

Miku juaj i fundit kundër celulitit janë preparatet të cilat fërkohen në lëkurën, e cila paraprakisht trajtohet me piling. Do të ishte ideale që pas ushtrimeve dhe tharjes energjike me peshqir të vendosni ndonjë krem që në vetvete përmban kafeinë, kështu që celulitin do ta sulmoni edhe nga jashtë. /ikub/