Mendoni më shumë – konsumoni më pak!

Trupi dhe mendja komunikojnë pandërprerë me njëra-tjetrën, përderisa mendja dhe mënyra e të menduarit ndikon se si sillemi ne.

Jam shumë e bindur se shtojmë në peshë shkaku i porosive që dërgon truri, duke sabotuar qëllimin tonë të vetëm për të humbur në peshë – thekson nutricistja amerikane Xhenet Tomson, në librin e saj më titull “Mendoni më shumë, konsumoni më pak”.

Porositë që i kujtoni

Nëse dikush ndonjëherë ju ka thënë se po dukeni mirë, se jeni i/e trashë apo se dieta është humbje kohe, porosi të tilla për një kohë të gjatë mund të mbeten të regjistruara në kokën tuaj. Nutricistja amerikane Xhenet Tompson mendon se shprehitë e këqija mund ta ndryshojnë trurin, por edhe ju mund të kundërpërgjigjeni me ushtrime dhe gjasat për ta pasur një trup vital janë shumë reale.

Ushtrime dhe plane

Mendoni rreth asaj se si do të dukeni dhe si do të ndiheni pas një muaji kur të hiqni disa kilogramë shtesë. Do të jeni të shëndoshë dhe vital. Më pas filloni të mendoni se si do të dukeni pas tre muajve, e si pas gjysmë viti. Një mendim si këtë futeni në kokë porsa të shkoni në shtrat dhe kur të zgjoheni do të krijoni emocione të forta, të cilat do të ndihmojnë në forcimin e besimit në aftësinë tuaj për sukses.

Shënojeni qëllimin tuaj

Më pas, shkruani në një letër qëllimet tuaja dhe atë që doni të arrini: A dëshironi që numri juaj i konfeksionit të jetë 38? A dëshironi të keni forcë për maratonë? Më pas zgjidhni mënyrat se dëshironi t’i arrini ato qëllime: do të konsumoni më pak dhe do të ushtroni më shumë. Atë që dëshironi ta arrini dhe mënyrën me të cilën dëshironi ta arrini, lexojeni me zë dy deri tri herë brenda ditës.

Ndryshojini sjelljet

Si pjesë e ushtrimeve formojeni një listë të gjërave, shkaku i të cilave keni shtuar në peshë, si dhe formojeni një listë tjetër me sjelljet alternative, me të cilat mendoni t’i zëvendësoni ato. Më shumë shoqërohuni me personat, të cilët në mënyrë të suksesshme kanë humbur në peshë. Po ashtu, mbajeni një ditar rreth ushqimit, të cilin për çdo ditë e konsumoni. Gjatë kësaj diete mendore kurrë mos e përdorni ushqimin si shpërblim apo prehje – konsumoni vetëm atëherë kur jeni të uritur. Po ashtu, do të ishte mirë që kurrë të mos i ndaloni vetes një lloj të ushqimit, ngase në këtë mënyrë vetëm sa do ta shtonit oreksin për ushqimin, të cilin ia keni ndaluar vetvetes. /ikub/