Ja ushqimet e duhura per dhembe me te bardhe!

Per ta pasur nje buzeqeshje te bukur duhet te kujdeseni per dhembet dhe qe keta te fundit te shkelqejne duhen zgjedhur ushqimet e duhura.

Nëse disa ushqime mund te na dëmtojnë zmaltin e dhëmbëve, disa te tjera mund te na ndihmojnë te ruajmë bardhësinë. Nëse atyre iu shtohet edhe një larje e përditshme, rezultati do jete i mrekullueshëm. Ja cilat janë ushqimet e duhura.

Uji

Uji është aleati i pare për bardhësinë e dhëmbëve. Me ane te tij shpëlahet kaviteti bukal nga te gjitha mbetjet e ushqimit qe janë mbledhur tek dhembet pas vaktit. Nëse kjo neglizhohet atëherë do te formohen gurrëza. Pra një shpëlarje pas çdo vakti është e domosdoshme.

Limoni

Lëngu i limonit njihet për vetitë kundër njollave. Acidi citrik i tij zbardh edhe zmaltin e dhëmbëve. Një here ne jave duhet t’i lani dhembet me furçe te cilën e keni ngjyer me lëng limoni. Dhe mos harroni te shtoni pak sasinë e këtij agrumi ne çdo vakt.

Molla

E njohur tashme për vetitë dobësuese, molla është një aleat i mire për zbardhjen e dhëmbëve. Kësaj here nuk ka te beje fare me enzimat. Pushteti i saj zbardhues vjen nga fakti se ajo na bën te përtypemi për një kohe te gjate. Kjo gjë stimulon prodhimin e pështymës e cila me pas pastron brendësinë e gojës duke eliminuar mbetjet tek dhembet.

Karota

Ashtu si molla edhe karota na bën te përtypemi me shume. Kësaj liste mund t’i shtohet edhe selinoja.

Djathi

Ushqimet e pasura me kalcium, siç është edhe djathi, janë perfektë për te ruajtur bardhësinë e dhëmbëve. Përveç kësaj ky produkt ka edhe një tjetër veti: ndryshe nga qumështi atë duhet me patjetër ta përtypim. Nuk është nevoja te shpjegojmë edhe njëherë se çfarë sjell kjo përtypje.

Mendërza

Për te shtuar pështymën mund te përtypni edhe mendërz, dafine apo sherbele. Përveçse pastrojnë dhembet ato sjellin edhe një ndjesi freskie.

Bajamet

Për te mbrojtur zmaltin e dhëmbëve duhet me patjetër te konsumohen bajame, patate di dhe shume fruta e perime. Ne fakt nëse pH i gojës sonë është i ulet dhe ka shume acide, kjo e acaron zmaltin, prandaj duhet qe ky pH duhet te rritet.

Qumështi

Ashtu si djathi edhe qumështi është i pasur me kalcium. Ashtu si uji ai është i vetmi lëng qe nuk ngjyros dhembet dhe nuk i dëmton ata. Përveç kësaj ai ka dhe avantazhin qe është alkalin, pra ul aciditetin duke mbrojtur zmaltin. /ikub/