Te lash, te pastrosh dhe te gatuash parandalojne Alzheimerin!

Larja e pjatave, gatimi dhe pastrimi mund të ndihmoj në uljen e riskut për t’u sëmur me Alzheimer, edhe për personat mbi moshën 80 vjeçare

- Në një studim të ri, hulumtuesit u kanë kërkuar 716 vullnetarëve me një moshë mesatare prej 82 vjet që të mbajnë një pajisje që monitoron aktivitetin ditor të tyre.

Pjesëmarrësve të këtij studimi gjithashtu u janë dhënë teste njohëse për të matur kujtesën dhe aftësitë e mendimit.

Pasi rreth tri vitesh, 71 prej vullnetarëve janë sëmur me sëmundjen Alzheimer.

Studimi tregoi se ata më pak aktivët ishin dy herë më të rrezikuar që të sëmureshin me këtë sëmundje se sa ata të cilët ishin më aktivë.

Dr. Aron Buchman, nga Universiteti Rush i Qendrës Mjekësore në Çikago, tha: “Rezultatet e studimit tonë konstatojnë se aktivitetet fizike përfshirë ushtrimet fizike si dhe aktivitete tjera si gatimi, larja e enëve, dhe pastrimi janë të ndërlidhura me zvogëlimin e riskut nga sëmundja Alzheimer.

Këto rezultate i japin mbështetje përpjekjeve për të inkurajuar të gjitha llojet e aktiviteteve fizike, edhe për njerëzit në moshë të shtyer të cilët nuk mund të marrin pjesë në ushtrimet formal, por mund ende të përfitojnë nga një jetesë më aktive, duke gatuar, pastruar apo larë pjata”. (lajmonline)