Crregullimet e ushqyerjes shkurtojne jetegjatesine!

Personat qe kane crregullime ushqimore, sic eshte anoreksia dhe bulimia kane me shume rrezi te vdesin para kohe.

Është zbuluar se personat me çrregullim të ushqyerjes, siç është anoreksia dhe bulimia, kanë rrezik më të shtuar për vdekje të parakohshme, në raport me personat që nuk i kanë këto probleme.

Duke analizuar 36 studime, të cilat kanë pasur të bëjnë me çrregullimet e ushqyerjes, është treguar pesëfishim i shkallës së mortalitetit te personat me anoreksi, ndërsa te personat me bulimi dhe çrregullime të tjera të ushqyerjes, kjo shkallë e vdekshmërisë ishte dyfish më e madhe, në raport me personat që nuk kanë çrregullim të ushqyerjes.

Po ashtu, personat me anoreksi të diagnostikuar në vitet e njëzeta të jetës, janë për 18 herë më të rrezikuar nga vdekja e hershme në raport me moshatarët e tyre që nuk i kanë këto probleme.

Ende nuk dihet se cila është arsyeja kryesore, por dihet se çrregullimi i ushqyerjes për një kohë të gjatë, sjell deri te pasojat serioze fizike. Po ashtu, dihet se 20 për qind e vdekjeve mes njerëzve me anoreksi, shkaktohen me vetëvrasje, duke qenë se një përqindje e madhe e tyre vuajnë nga çrregullimet psikike, siç janë ato opsesivo-kompulsive, depresioni dhe anskioziteti.

Kështu, për t’u pritur përmirësim i gjendjes së këtyre pacientëve, duhet të mjekohen të gjitha problemet fizike dhe mendore që shoqërohen me të, e jo vetëm anoreksia. /ikub/