Maske me banane dhe portokall!

Pse është e rëndësishme kjo maskë për fytyrën tuaj?

Bananet janë një nga frutat më të ushqyeshëm për trupin tonë, sepse ato përmbajnë sasi të mëdha magnezi, kaliumi, zinku, jodi, hekur dhe vitamina A, B (acid folik), E, dhe F.

Për shkak të këtyre cilësive është përdorur shpesh për të luftuar rrudhat.

Kjo maskë gjithashtu zbut dhe ushqen lëkurën tuaj dhe rekomandohet për të gjitha llojet e lëkurës.

Para se të aplikoni maskën në fytyrë dhe qafe pastrojeni atë në mënyrë që të hapen porët e fytyrës dhe thajeni me peshqir.

Përbërësit:

1 lugë gjelle lëng portokalli

½ banane

1 lugë gjelle mjaltë organik


Përgatitja:

Ngroheni mjaltin derisa të bëhet i lëngshëm (jo shumë i nxehtë). Pastaj hidheni mjaltin në një tas të vogël qelqi, hidhni bananen dhe lëngun e portokallit dhe filloni ti përzieni derisa të përfitoni një masë homogjene. Masën e përfituar shpërndajeni njëtrajtësisht në fytyrë dhe qafë, duke mbrojtur zonën e syve. Te zona e syve vendosni 2 feta të holla patate ose bustina me kamomil.

Shtrihuni, relaksohuni dhe mendoni pozitivisht, pasi është çelësi i suksesit të çdo maske.

Maskën mbajeni rreth 15 minuta.

Pastaj lajeni me ujë të alternuar të ftohtë dhe të ngrohtë në fund shpërlajeni me ujë të ftohtë, duke përfunduar me tharjen e saj me një peshqir të pastër. (NOA)