Luftoni qeset e syve me metoda natyrale!

Pothuajse të gjithë njerëzit kanë shqetësime nga qeset e syve, disa më shpesh se të tjerët, për një numër arsyesh të ndryshme. Qeset e syve qofshin të fryrë ose të nxirë ju bëjnë që të dukeni më të vjetër, më të lodhur dhe prishin pamjen tuaj.

Shpesh qeset e syve formohen nga lodhja, dietat e ndryshme, dehidratimi, stresi dhe shumë faktorë të tjerë të jashtëm dhe të brendshëm.

Kujdes:

- duhet të flini 6 deri ne 8 ore gjumë çdo nate

- duhet të pini shume ujë

- duhet të shmangni ushqimet e kripura sa me shume te jete e mundur, pasi kripa e bën trupin qe te mbaje ujë duke formuar qese të errëta ose fryrje poshtë syve.

Këshillat e mësipërme këshillohen të zbatohen duke i shoqëruar me disa maska të thjeshta.

Maskë me qumësht dhe mjaltë

Qumështi dhe mjalti përgatiten shumë lehtë në shtëpinë tuaj dhe luftojnë rrathët e errëta poshtë syve.

Përzieni qumështin me mjaltin dhe merrni dy copa të vogla pambuku ose nga ato që përdoren për të pastruar fytyrën, lyeni me masën e përgatitur dhe vendoseni ne sy.

Mbajeni për 15 minuta. Shpërlajeni me ujë të ftohtë.


Maskë me kastravec ose pure patatesh.

Trangujt dhe patatet kane anti-inflamator, cilësi që lufton rrathët e errët dhe fryrjet poshtë syve. Përgatitni kastravecin ose patatet në forme pureje, thithni masën me anë të dy copave të hollë pambuku dhe vendosni ne sy. Mbajeni për 20 minuta. Shpërlajeni mire. Purenë e mbetur mbajeni në frigorifer dhe aplikojeni një hërë në tre dite. Temperatura e ulët do të ndihmojë edhe në e inflamacionit dhe lufton rrathët e erret.

Bustinat e ndryshme (çaj kamomil, jeshil, mali ...etj)

Në një tenxhere të vogël zieni çajin, pastaj hidheni në një tas të vogël qelqi. Merrni dy garza pambuku dhe thithni çajin derisa te ngopen plotësisht. I vendosni mbi sy për 10- 15 minuta. Çaji jeshil dhe kamomili janë te pasura me antioksidant dhe ndihmojnë në uljen e inflamacionit (shmangni kamomilin nëse ju bën alergji, pasi ai mund të shkaktojë ënjtje). Mund të përdorni edhe bustina, por më parë duhet ti futni në një tenxhere me ujë të ngrohte. Hiqeni nga tenxherja kur uji të marrë ngjyrën e çajit. Lëreni bustinën të ftohet, pastaj vendoseni mbi sy.


Kuba akulli

Merrni disa kube akulli nga frigoriferi juaj, mbështilleni me një copë nape te pastër. Vendoseni copën mbi sy për 10- 15 minuta dhe rrathët e zi ne çast do te fillojnë te zhduken.

Kjo metode është shume frytdhënëse pasi vepron në mënyrë të mrekullueshme në reduktimin dhe eliminimin e rrathëve të errët. (NOA)