Pse rrushi është i dobishëm për shëndetin?

Marrë parasysh se është sezoni i rrushit, ju sjellim disa nga arsyet e shkëlqyeshme pse këto kokrra të arta janë të shëndetshme.

Pa marrë parasysh llojin e tij, mund të jeni shumë të sigurt se këto kokrra janë përplot me vitamina A, vitamina C, vitamina B6, vitamina B dhe acid folik. Rreth 100 g rrush posedojnë përafërsisht 20-25% të nevojave ditore për vitamina C.

Njëra nga arsyet e tjera pse rrushi është kaq i shëndetshëm dhe pse duhet të jetë pjesë e tryezës tuaj, është pikërisht se është i pasur me minerale të ndryshme.

Këtu duhet ta përmendim mineralin e manganit dhe kaliumin. Këto minerale janë të domosdoshme për mbajtjen e një shëndeti të mirë, zvogëlojnë rrezikun nga hipertensioni, ndihmojnë në uljen e depresionit, si dhe ndikojnë në forcimin e sistemit imun.

Mineralet e tjera me të cilat rrushi është i pasur janë bakri, zinku, kalciumi, fosfori dhe hekuri. Po ashtu, ekspertët ju sugjerojnë që rrushi është njëri “ilaç’ i vërtetë për zemrën tuaj. /ikub/