Dietat rigoroze janë të dëmshme për flokët!

Shumë femrave flokët në masë të shtuar u bien pas lindjes. Arsyeja qëndron në atë që përqendrimi i madh i estrogjenit gjatë shtatzënisë, i mban folikulat në fazën e rritjes, kështu që qimet nuk bien, edhe pse normalisht do të duhej.

Për këtë arsye, gjashtë javë pas lindjes së fëmijës, për shkak të zvogëlimit të estrogjenit, vjen deri te rënia e përnjëhershme dhe nganjëherë dramatike e flokëve. Kjo mund të zgjasë edhe disa muaj, edhe pse të gjitha këto qime, prapë do të rriten.

Zgjidhja: Para së gjithash, femra duhet të ushqehet mirë. Dietat rigoroze ndikojnë në mënyrë të dëmshme ndaj flokëve, prandaj duhet shmangur ato. Ndihmojnë edhe pilulat kontraceptive, posaçërisht ato që përmbajnë anti-androgjenë, hormonet të cilat bllokojnë veprimin e hormoneve seksuale të meshkujve.

Rrallimi i flokëve shpesh shkaktohet nga sindroma e vezoreve policistike, ndërsa kurohet me medikamente të përshtatshme dhe me përdorimin lokal të hormoneve –anti-androgjenë.

Mungesa e hekurit

Anemia shpesh fajësohet për humbjen e flokëve. Për këtë arsye, është e domosdoshme që së pari ta shikoni se çfarë pasqyre gjaku keni.

Zgjidhja: Duhet të jepni gjakun për analizë dhe të kontrolloni hemoglobinën dhe feritinin. Feritini është një albumine me të cilën lidhet hekuri dhe ai luan rol kyç në prodhimin e qelizave të qimeve.

Nëse është tepër e ulët, apo pakëz më i ulët se ajo normale, duhet marrë preparate të hekurit. Rezultatet janë të dukshme pas vetëm disa muaj. Duhet pasur në mendje se humbja e flokëve për shkak të mungesës së hekurit, më e shpeshtë është te vegjetarianët.

Të ushqyerit e keq

Sasia e pamjaftueshme e albuminave, mund të sjellë deri te rrallimi i flokëve, pasi albuminat kanë rëndësi kyçe për krijimin e keratinës, përbërjen kryesore të qimeve.

Zgjidhja: Bëni kujdes në ushqimin, sepse në këtë mënyrë mund të konsumoni albumine të mjaftueshme nga ushqimet, siç janë mishi, vezët, djathi, frutat me gëzhojë dhe peshk.

Vitamina B, posaçërisht B5, luan rol të rëndësishëm për rritjen e qimeve të flokut, elasticitetin e saj dhe fortësinë. Më së shumti vitaminë B5 ka në vezë, fruta me gëzhojë, fasule dhe bukën integrale. /zeri/