Si të përmirësojmë memorien?

Do të ishte bukur sikur të lexonim një faqe libri dhe të mos e harronim kurre? Ose të mbanim mend ditëlindjet e shokëve. Është e vërtetë se vetëm pak persona kanë memorie të fortë, ndërkohë që të tjerët mundohen por kanë shumë vështirësi në kthimin në kujtesë të ngjarjeve.
Lajmi i mirë është se kushdo mund të bëjë diçka për të përmirësuar memorien.

Bindeni veten se memoria mund të përmirësohet. Shumë njerëz mendojnë se kanë një memorie të keqe dhe se nuk mund të bëjnë asgjë për ta përmirësuar. Por kjo nuk ështe e vertete.

Mbani trurin tuaj aktiv. Truri nuk është një muskul, por është e sigurtë se “ushtrimet” bëjnë që të zhvillohen lidhje të reja midis nervave, që ndihmojnë në përmirësimin e memories.
Duke zhvilluar aktivitete të reja, si p.sh të mësoni një gjuhë të re, të mësoni ti bini një instrumenti muzikor, ose të bëni lojëra të ndryshme bën që truri të jetë aktiv dhe të përmirësojë funksionin e tij fiziologjik

Ushtrime ditore. Ushtrimet e përditshme fizike ndihmojnë në qarkullimin e gjakut, i cili shkon edhe në tru, duke ndikuar në përmirësimin e memories e cila humbet me kalimin e moshës. Ushtrimet gjithashtu ju relaksojnë duke ndihmuar në memorie.

Reduktoni stresin. Stresi kronik, megjithëse nuk e dëmton fizikisht trurin, bën që njeriu të humbë kujtesën. Edhe stresi i përkohshëm e bën më të vështirë fokusimin në gjërat e përditshme. Përpiquni të relaksoheni, praktikoni yoga ose ushtrime të tjera relaksuese për trurin.

Hani mirë dhe atë që duhet. Ka shumë barishte që ndihmojnë në përmirësimin e memories, por asnjë prej tyre nuk ka treguar efektivitet në testet klinike. Po megjithëkëtë një dietë e shëndetshme, kontribuon në tru, pasi përmban antioksidantë.
Kështu – brokoli, boronicat, spinaqi, dhe ushqimet e pasura me Omega -3 ndihmojnë në përmirësimin e funksioneve të trurit. Ushqehuni me Thiamine, Vitamine E, Niacine dhe Vitamine B-6. Është vërtetuar gjithashtu se ata persona që hanë 5- 6 herë në ditë kanë memorie më të mirë se ata që hanë vetëm 3 vakte në ditë. Kjo gjë limiton sheqerin e tepërt, i cili ndikon negativisht në tru.

Vëzhgoni më shumë. Shpesh njerëzit harrojnë gjërat jo për shkak të memories së keqe por sepse nuk vëzhgojnë gjërat aq sa duhet. Situata më e thjeshtë është kur ne takojmë njerëz të rinj. Ne e kemi të vështirë të kujtojmë emrat e tyre pasi nuk përqendrohemi. Është e qartë që sikur të bëni një përpjekje sado të vogël për të kujtuar këto gjëra, do ti mbani mend për shumë kohë. Një mënyrë për të mbajtur mend pamjet është të shikoni mbi të për disa sekonda dhe pastaj të mbyllni sytë dhe të mundoheni të krijoni atë pamje në mendjen tuaj.

Jepini vetes kohë për të mbajtur diçka në mendje. Memoria është shumë e delikate në kohë të shkurtër, dhe hutimi mund të bëjë që ju të harroni shumë shpejt një gjë, po aq sa dhe një numër telefoni. Çelësi për të shmangur humbjen e një pamje është fokusimi për disa sekonda në atë pamje duke harruar çdo gjë tjetër.


Krijoni pamje të gjalla në kujtesë. Një informacion krijohet më lehtë në mëndje nëse shikohet me sy. Kështu nëse doni që një fëmijë të lexojë një libër, mos e detyroni atë ta bëjë këtë, pasi do ta harrojë shumë shpejt atë çka lexoi. Përpiquni të bëni diçka më argëtuese, si për shembull libri që ndjek fëmijën, ose fëmija duke ngrënë një libër. Kjo do të bëjë që fëmija të ulet me dëshirë ta lexojë atë libër.


Përsëritni gjërat që doni të mësoni. Sa më shumë të dëgjoni, ta shikoni, ose mendoni diçka aq më mirë do ta kujtoni atë. Nëse doni të mbani mënd diçka përsëriteni me zë të ulët ose të lartë, dhe mendoni për këtë.


Organizoni jetën tuaj. Mbani gjërat në të njëjtin vend gjithmonë. Ruani numrat e telefonit dhe mos u mundoni ti mbani mënd. Shkruani datat e takimeve ose gjëra të tjera në një axhendë. Ideja është që truri të mos mundohet të mbajë mënd gjëra rutinë të cilat nuk kanë rëndësi, por të fiksojë gjëra më të rëndësishme se aq.

Meditoni! Kërkimet e fundit kanë zbuluar se njerëzit të cilët meditojnë kanë memorie më të mirë. Mjekët argumentojnë se meditimi rrit qarkullimin e gjakut në korteksin qendror të trurit. Kjo rrit përqendrimin, dhe memorien.

Flini mirë. Gjumi ndikon në aftësinë e trurit për të thirrur informacionin e fundit që ka mësuar. Duke fjetur mirë- minimumi 7 orë në natë – ndihmon në përmirësimin e memories afatshkurtër dhe afatgjatë.

Ndërtoni arsenalin tuaj të memories. Mundohuni të mbani mend vende ose emra të historisë. Përpjekjet për të mbajtur mend shumë gjëra ndihmojnë në përmirësimin memories.