Masazhet e botës!

Masazhi i Ajurvedës Masazhi i Ajurvedës është njëi nga kurimet e përdorura në Ajurveda, mjekësia mijëravjeçare e Indisë. Sipas kësaj mjekësie, çdo qënie njerëzore ka në brënda saj tre “dosha”, që janë energji jetësore të quajtura: vata, pitta dhe kapha. Kombinimi i tyre përcakton personalitetin.

Masazhet e Ajurvedës synojnë të riekuilibrojnë “doshat” kur ato çekuilibrohen nga stresi. Ato bëjnë të mundur gjithashtu të qetësohen pagjumësitë e vazhdojnë mesatarisht një orë. Ato kryhen me ndihmën e një vaji të ngrohur sezami.

Masazhi polinezian

Që në kohët e lashta, masazhi është pjesë përbërëse e mjekësisë tradicionale të Polinezianëve, filozofisë së tyre si dhe dokeve dhe zakoneve të tyre stërgjyshërore. Në fillim ky masazh quhej “Taurumi”, që do të thotë ta marrësh individin në tërësinë e tij duke kombinuar shpirtëroren, energjinë, fjalën dhe në veçanti prekjen. Taurumi në Polinezi konsiderohet si një kujdes parandalues. Ai trajton shëndetin e mirë dhe për më tepër është një terapi plotësuese gjatë gjithë jetës së njeriut.

Masazhi kalifornian

Një masazh i krijuar në Shtetet e Bashkuara (Esalen të Kalifornisë), që është bazuar në një numër teknikash të ndryshme orientale dhe në qarkullimin e energjisë. Nëprmjet këtij masazhi synohet qetësimi i trupit nga tensionet e grumbulluara dhe për rrjedhojë, një relaksim psikologjik që mund të çojë në një mirëqënie të përgjithshme. Kjo teknikë, e cila mund të cilësohet si një relaksim aktiv dhe që mund të përshtatet për të gjithë, krijon një riekuilibrim energjitik të trupit në tërësinë e tij.

Shiatsu

Kjo teknikë masazhi ka lindur në Japoni. Është një ilaç i mirëfilltë kundër pagjumësisë, stresit dhe lodhjes. Ai qetëson dhimbjet fizike dhe krijon një qetësim të madh falë një serie shtypjesh të studiuara në meridianet e trupit.

Masazhi i Havait

I quajtur “Lomi Lomi” (që do të thotë “fërko fërko”), masazhi i ishujve Havai përdoret në ishujt e Paqësorit. Nëpërmjet këtij masazhi synohet të arrihet një gjendje meditimi. Duke kombinuar lutjet dhe kujdesin, kjo metodë e vjetër vazhdon jo më pak se tre orë. Pas një numër shtriqjesh, masazhieri bën disa lëvizje të gjata energjike. Përveç efektit të tij mendor, masazhi i ishujve Havai relakson dhe qetëson muskujt e lodhur.

Masazhi i Balit

Frymëzuar nga masazhi i Ajurvedës, ,asazhi i Balit përveç relaksimit, bën të mundur të punohet me çakrat nëpërmjet meditimit. Edhe në këtë rast, gjithçka lidhet me ekuilibrin e brëndshëm dhe kalimin e energjive. Bali është një udhëkryq i të gjitha ndikimeve aziatike, kështu që as teknikat e masazhit nuk i kanë shpëtuar kësaj përzjerjeje. Ky masazh, që kryhet me ndihmën e vajrave esenciale, është një metodë tonifikuese që funksionon mirë tek muskujt. Në fillim bëhet masazh në të gjithë trupin, pastaj përdoret vaji për fërkim.

Masazhi oriental

Ky masazh me gjëmba dhe petale trëndafili të Sirisë vepron për pastrimin e lëkurës. Si në rastin e sapunit të zi, ky masazh sumë i përhapur në Lindjen e Mesme dhe në Magreb, bën të mundur që të pastrohet lëkura nga lëkurat e vdekura e të rikthehet lëkura në gjëndje të butë e të lëmuar nëpërmjet fërkimeve energjike të lëkurës dhe një hidratimi të mirë të epidermës.

Masazhi korean

Masazhi korean bazohet kryesisht në një lëvizje: vibracionin. Masazhieri bën masazhin në mënyrë të tillë që zona e trajtuar e trupit të ketë dridhje. Kjo është një fazë e parë që zgjat shumë në kohë. Pastaj, masazhieri i lë kohë trupit për të vazhduar lëvizjen, përpara se ta ndërpresë menjëherë për të kaluar në një fazë tjetër. Gjatë kësaj kohe, personi të cilit i bëhet masazhi vazhdon të ndjejë efektet e vibrimit në relaks të plotë. Ky është një masazh pak i njohur aspak i dhimbshëm.

Masazhi Tajlandez

Këto masazhe janë më të efektshme kur realizohen nga masazhierë me diplomë të cilët riprodhojnë maszhet tradicionale tajlandeze. Pasi visheni me veshjen tradicionale të masazhit, fillon udhëtimi në ritualin tajlandez të banjos së këmbëve në ujë të aromatizuar./living/