Bimët në zyrë, reduktojnë stresin e punës!

Në qoftë se ju ndiheni të lodhur në punë dhe në depresion, atëherë ndiqni një këshillë të thjeshtë: vendosni bimë në tavolinën tuaj të punës.... Një studim i fundit zbuloi se bimët e vendosura mbi tavolinën e punës ose në dhomë janë të mira për shëndetin. Bimët në vazo mund të zvogëlojnë lodhjen, stresin, dhimbjen e kokës, kollën dhe lëkurën e thatë. Ky hulumtim është kryer nga shkencëtarët e Universitetit norvegjez në Suedi. Studimi mori në analizë rreth 385 punëtorë.

Numri i punëtorëve të cilët mungonin në punë për shkak të sëmundjes është studiuar dhe vëzhguar. Studiuesit u interesuan për të ditur nëse ata kishin bimë në zyrat e tyre. Rezultatet treguan se shumica e punëtorëve që kishin bimë në zyra nuk mungonin në punë për shkak të sëmundjeve. Sipas studiuesve dheu i këtyre bimëve ka një organizëm që ka ndikim tek shëndeti.

Ndërsa, sipas një studimi nga Washington State University, bimët në zyrë janë shumë të dobishme, sidomos për punonjësit të cilët nuk kanë një pamje nga dritarja. Sipas këtij studimi, punëtorët që kanë bimë në zyra janë më produktivë dhe të shpejtë për të reaguar. Ata nuk kanë stres, gjithashtu kanë presionin të ulët të gjakut. Kjo dëshmon se bimët mund të zvogëlojë nivelin e stresit.