Zbulohet me sukses vaksina anti-diabet!

Zbulohet një vaksinë kundër diabetit te të rinjtë. Siç shpjegohet te "Science Translational Medicine" bëhet fjalë për një "vaksinë inverse": shuan në vend që të ndezë përgjigjen imunitare. Të vaksinuarit kanë prodhuar më shumë insulinë, duke reduktuar qelizat imunitare "të këqija" që sulmojnë pankreasin. Vaksina është realizuar nga Stanford University School of Medicine dhe është testuar mbi 80 pacientë nga grupi i profesor Lawrence Steinman, i cili ka deklaruar: "Për momentin jemi duke organizuar një sesion klinik më të madh, në një numër më të lartë pacientësh, pasi kemi parë rezultate të shkëlqyera te 80 të parët". Diabeti te të rinjtë është sëmundje, në të cilën sistemi imunitar i pacientit, si "i çmendur" sulmon e vret qelizat pankreatike, që prodhojnë insulinë. Pacienti, për të rregulluar gliceminë, ka nevojë për të injektuar insulinë. Vaksinat, normalisht, shërbejnë për të stimuluar sistemin imunitar që të sulmojnë armikun. Por në këtë rast, vaksina funksionon në të kundërtë "duke vrarë qelizat imunitare të çmendura, që sulmojnë pankreasin", shpjegon profesor Steinman. /ikub/