Multivitaminat dhe mineralet ulin rrezikun e vdekshmërisë nga kanceri!

Një studim amerikan i realizuar te 7.728 femra të moshave mes 50 dhe 70 vjeçe, ka hulumtuar ndikimin e preparateve multivitaminoze dhe të mineraleve në uljen e rrezikut të vdekshmërisë nga kanceri i gjirit. Studimi është realizuar te femrat e diagnostikuara me karcinomë invazive të gjirit dhe ka zgjatur shtatë vjet. Suplementet e multivitaminave dhe mineraleve janë marrë një herë në javë duke plotësuar qind për qind nevojat e rekomanduara ditore për to. Rezultatet e studimit kanë treguar se femrat që marrin preparate multivitaminoze dhe të mineraleve janë për 30 për qind më pak të rrezikuara nga vdekshmëria e shkaktuar prej karcinomës invazive të gjirit në raport me femrat që kanë të njëjtën diagnozë, por nuk i marrin këto preparate. Në përpilimin e rezultateve, autorët e studimit kanë marrë parasysh edhe faktorët tjerë që lidhen me vdekshmërinë krahas karcinomës së gjirit, siç janë konsumimi i duhanit dhe alkoolit, raca, gjatësia dhe pesha trupore.