Arrat ruajnë zemrën dhe peshën!

Një studim i publikuar në “American College of Nutrition” kishte hulumtuar ndikimin e shtimit të vetëm një grushti me arra (rreth 56 gramë) ushqimit të personave mbipeshe, në formë te shtojcës ne ushqim, për shëndetin e zemrës dhe zhvillimin e diabetit. Rezulton se arrat bëjnë mrekulli të vërtetë për shëndetin tonë! Studimi përfshiu 46 persona të moshës 30-75 vjeç, të cilët kishin një indeks të masës trupore (BMI) më të madh se 25 kg/m2, dhe diametër beli më të madh se 102 cm për meshkuj dhe 88 cm për femra. Të gjithë pjesëmarrësit ishin joduhanpirës, por ata kishin edhe një tjetër faktor rreziku karakteristik për sindromën metabolike - presionin e lartë të gjakut, rezistencën e insulinës apo kolesterolin e ulët HDL.

Sindroma metabolike është e lidhur me zhvillimin e sëmundjeve kardiovaskulare dhe diabetin e tipit 2. Subjektet aplikuan nje dietë sipas përzgjedhjes së tyre, me ose pa shtimin e arrave. Pas një periudhe prej tetë javësh rezultatet e studimit treguan se me marrjen e 56 gramëve të arrave në ditë përmirësohet shëndeti kardiovaskular tek pacientët obezë dhe se nuk vjen deri tekkishte rritje te mëtejshme në peshën e trupit. /ikub/