Drithërat janë të dëmshme?

Dëshironi të mbeteni vital dhe të shëndetshëm? Atëherë në mëngjes kur të zgjoheni mos e mbushni pjatën tuaj me drithëra.
Është dëshmuar se drithërat nuk janë fare të shëndetshme.
Ndonëse i reklamojnë si të shëndetshme, llojet e ndryshme të drithërave në fakt përmbajnë sasi të njëjtë të sheqerit sikur edhe çokollata, akullorja apo disa ëmbëlsira.

Madje edhe sandviçi me suxhuk dhe zarzavate tjera mund të jetë më i dobishëm për vijën tuaj sesa disa lloje të drithërave, tregoi studimi më i ri i nutricionistëve. Njerëzit janë të bombarduar me porosi për drithëra të shëndetshme dietale, dhe bindën se kjo është përzgjedhja më e mirë për ta.

Por në deklaratat e produkteve, me sukses fshehët fakti se ato janë plot kalori. Nutricionistët janë të inatosur për këtë andaj vendosën që ta paralajmërojnë opinionin.
Përkrahjen ua kanë ofruar nutricionistëve edhe Organizata evropiane për Ushqim të Shëndetshëm, që momentalisht është duke analizuar 4000 prodhime për të cilat prodhuesit betohen se janë të shëndetshme.

“Drithërat nuk janë as për afër të shëndetshme siç mendojnë njerëzit. Për shembull, keni një kuti drithëra në të cilën shkruan se kanë më pak se 3 për qind yndyrë, por nuk shkruan se kanë sasi të madhe të sheqerit dhe kripës. Kjo nuk është e shëndetshme”, veçoi nutricionisti, Colin Walker.

Andaj Komisioni Evropian planifikon të sjellë rregulla me të cilat prodhuesit në deklaratat e prodhimeve do të duhej që detajisht dhe saktë të përshkruajnë nga çka përbëhet një prodhim i caktuar.