Kristian Pali: Marrëdhënia ime me femrat!

Intervistë me fotomodelin shqiptar

Na tregoni për fillimet e punës suaj si foto-model?

Pali: Fillimet e para në fushën e modës janë para pak më shumë se një vit, pikërisht me ftesën e fotografit të njohur shqiptar, i cili vepron në Nju Jork, Fadil Berisha. Këtu mund të them që ka qenë fillimi i karrierës si foto-model. Pastaj nga aty i bie në sy edhe fotografit nga Gjermania, Tim Muller, më të cilin kemi bërë një sesion fotografish. Tani vinë ftesat nga anët ndryshme dhe nëpër media.

Kush ju ka përkrahur më së shumti në këtë profesion dhe më kë bashkëpunoni?

Pali: Në çdo profesion ka pak inat dhe xhelozi nga të tjerët dhe është e vështirë të arrish diçka nëse nuk ke përkrahje e dikujt që të shtynë për të vazhduar përpara. Dhe në lidhje me këtë falënderoj Zotin që e kam një nënë të bekuar dhe që më ka ndihmuar që nga fillimi i karrierës time si nga ana materiale ashtu dhe morale. Po ashtu që nga fillimi, përkrahje të veçantë kam gjetur edhe tek foto-modeli Alban Kryeziu, i cili më ka mësuar për shumë gjëra rreth modelimit. Mund të përmend edhe fotografët tashmë të njohur Imer Hetemi,Veton Osmani, Nexhaip Karanezi, fotografin Tim Muller, Soni Keyson, të cilët gjatë tërë kohës kemi bashkëpunuar së bashku etj.

Si do ta përkufizonit modelimin, mendoni që ndonjëherë do bëhet demode për juve apo ju pëlqen?

Pali: Të jesh pjesë e botës se modës është pakëz e vështirë por në anën tjetër është kënaqësi, përderisa jam pjesë e kësaj bote kuptohet ndjehem shumë mirë. Ndërsa modelimin mund ta përkufizoj si një gjë e bukur që bëhet më shumë ambicie. Mirëpo mua personalisht ka raste kur më bezdis mentaliteti i njerëzve, të cilët ende se kuptojnë modelimin dhe një pjesë e madhe e saj e keqkuptojnë atë.

Modelimi përveç që të sjell përfitime, ndonjëherë edhe të fut në humbje, ka humbur Kristiani diçka nga ky profesion?

Pali: Ku ka fitim ka dhe humbje, ku ka humbje ka dhe fitime, ky është ligj i ekonomisë së tregut. Edhe unë mund të them se në këtë profesion pa investuar nuk mund të fitoj as njeri mirëpo duke ju falënderuar edhe një herë fotografëve, të cilët gjatë terë kohës kanë qenë pranë meje unë nuk kam investuar rreth fotove. Mund të them se nuk kam humbur asgjë mirëpo sado pak kam fituar famën të cilën të gjithë nga ne e deshifrojnë.

Është bukur kur dëgjon për ndonjë shqiptar me gjithë këto profesione dhe hobi, sipas teje ia vlen të mëresh me të gjitha nga pak?

Pali: Është e bukur mirëpo është shumë e lodhshme të merresh me shumë profesione. Unë që nga fëmijëria kam qenë një çun që kam pasur dëshirë dhe ambicie që të merrem më shumë gjëra, mirëpo ia ka vlejtur për çdo gjë.

Në përditshmëri çfarë personi jeni dhe si e shpenzoni atë pak kohë të lirë që e keni?

Pali: Në përditshmëri jam një person shumë i thjesht, koha ikën shumë shpejt mirëpo nga angazhimet e mëdha tash kam një pauzë të vogël ku edhe në atë pauzë i kam gjetur punë vetit. Tani jam duke bërë ushtruar në palestër duke u përgatitur edhe për këngën time të parë që do të transmetohet në verë së bashku me një këngëtare të re, po mundohem që shumë pak kohë të lirë që kam të jem me familjen time.

Gjeni kohë edhe për dashuri?

Pali: Hmmm..kam shumë pak kohë për familjen time e mos t’i hymë dashurisë edhe dashuria vjen atëherë kur t’i vijë koha e vet. Një djaloshi të ri dhe me shumë profesione sigurisht nuk i mungojnë edhe vajzat, ndonjë sekret nga gjithë kjo hahata. Meqenëse punoj në sallonin Dream Studio, frizer mund të them një sekret që shumë vajza vijnë për të me parë mirëpo bëjnë kinse po vijnë për t’i rregulluar flokët...

Të pëlqejnë aventurat apo lidhjet serioze?

Pali: Çdo mashkull ka dëshirë aventurat, mirëpo lirshëm mund të them që nuk jam nga ata që kam dëshirë të merrem me aventura. Ndoshta se koha nuk ma lejon të mendoj për këtë gjë mirëpo po që e kisha gjetur një vajzë të mirë që më përshtatët me dëshirë do kisha pasur një lidhje serioze. Që të mos i lëndojmë vajzat se janë krijesa shumë të bukura mirëpo edhe të ndjeshme.

Ke prezantuar ndonjëherë Kosovën në ndonjë eveniment ndërkombëtar?

Pali: Deri tash kam përfaqësuar Kosovën në “Mis &Mister Trendy”, në Tiranë dhe para pak kohësh kam marr ftesën nga Jetarti i “Bookinalbaniaa” për një reklamë jashtë vendit ku reklamë do të realizohet në Gjermani, France dhe Zvicër, kurse ne disa katalogë si modelet e vitit 2009 etj..

Ku e gjen më se shumti veten, para aparatit fotografik apo nëpër sfilata?

Pali: Meqenëse jam foto-model mund të them që fotografia është ajo që më bënë të ndjehem mirë vetën e gjej aty, kurse sa i përket sfilatave nuk jam kundër atyre mirëpo mua personalisht nuk më pëlqen të sfiloj në skenë.

Pjesa më e preferuar e pamjes tënde?

Pali: Sytë...

Më pak e preferuar?

Pali: Të gjitha më pëlqejnë mirëpo po them se më pak hunda hahaha.

Cili është thashethemi më i çuditshëm që ke dëgjuar për veten dhe komplimenti më i bukur?

Pali: Një fjalë e urtë thotë “Mos të lasht zoti pa armiq”, thashethemet janë dëgjuar kohën e fundit mirëpo as që ju kam kushtuar rëndësi. Pasi thashethemet për mua janë vetëm fjalë që më shtyjnë të vazhdoj përpara, nuk kam një që mund të veçoj, komplimenti më i bukur është që më thonë të gjithë eyyy ti je si Tarkan!!

Ai më i keqi?

Pali: Nuk kam pasur koment të keq, nuk kam dëgjuar.

Keni të shtoni diçka për fund ?

Pali: Sapo mora një ftesë për një rol në një film që do bëhet në Itali nga një regjisor shqiptarë, ku provat për film do fillojnë ne qershor. Xhirimet e filmit do bëhen në tetor të këtij viti ku roli im shoku i protagonistit në film, si film do të përbëhet nga shumë etnitete, ku do të interpretojnë aktorë italian, afrikan dhe shqiptarë ne bashkëpunim më Jetartin.