Cfare duhet te dini me shume për helmin vrasës!

Flitet aq shume për demet e duhanit por përsëri ai vazhdon te pihet pa pushim. Kujdes, problemet qe ky helm mund te shkaktojë janë me te mëdha sesa ju mund ta imagjinoni.

Duhani gjatë djegies çliron 4 mijë lëndë, që nga nikotina dhe monoksidi i karbonit dhe deri te katranet, substancat me përbërje benzopireni, kobalti radioaktiv, që janë ndër shkaktarët e kancerit të mushkërive. Në qoftë se do të bëjmë një listë të dëmeve që shkaktohen drejtpërdrejt nga duhani, ajo do të jetë tepër e gjatë, por le të përqendrohemi mbi dëmet kryesore.

· Duhani është përgjegjës për të ashtuquajturën “epidemi” të kancerit të mushkërive, sidomos në gjysmën e dytë të shekullit XX-të, duke çuar këtë kancer në numrin një të vdekshmërisë së kancerit te meshkujt. Te femrat kanceri i mushkërive nuk ka rol parësor në vdekshmërinë, por rreziku prej tij, është rritur çdo 10-vjeçar me rritjen e përdorimit të tij prej femrave. Është vërtetuar se për çdo 20 cigare rreziku 15-fishohet. Kryesisht te pirësit e duhanit, mosha kur ky shfaq simptomat e kancerit është rreth 50-60 vjeçe dhe prej saj njeriu mund të përfundojë edhe në një ndërhyrje të mundshme kirurgjike. Por, siç e thamë edhe më sipër duhani shkakton një listë të gjatë dëmesh. I ashtuquajturi bronshit azmatik shpeshherë e ka pikënisjen nga duhani. Personat qe vuajnë nga kjo sëmundje, puna e parë që bëjnë kur gdhihen në mëngjes është kollitja dhe nxjerrja nga goja e gëlbazës.

· Por, dëmet më të mëdha shkaktohen në sistemin kardiovaskular të gjakut. Duhani mbahet si një nga faktorët kryesorë për ngushtimi e enëve të gjakut që në vetvete shkakton sëmundje të zemrës, infarktin e zemrës dëmtimin e sistemit nervor, si dhe të shumë organeve të tjera. Është vërtetuar se sëmundjet e zemres janë të pranishme 3.4 për mijë, tek ata që nuk pinë duhan dhe 7.4 mijë tek ata që pinë duhan. Tek ata që pinë 20 cigare ky rrezik trefishohet. Konsumimi i tepërt i duhanit shton rrezikun për vdekje të papritur. Monoksidi i duhanit, një nga përbërësit e tymit, pakëson oksigjenin në gjak, ndërkohë që nikotina një nga përbërësit e duhanit shton punën e zemrës dhe të dyja shpëtojnë formimin e trombit (mpiksje gjaku) që ngushton dhe bllokon enët e gjoksit.

· Ata që janë konsumatorë të duhanit, thonë se e kanë të pamundur për ta lënë atë. Kjo është pjesërisht e vërtetë. Nikotina një nga përbërësit e duhanit zëvendëson Acetil-Kolinën, një përbërës që ka rolin përcjellës të impulsit nervor në sinaps (pjesë e sistemit nervor qendror dhe atij periferik). Organizmit, pas lënies së duhanit i duhet një periudhë prej 40 ditësh që të prodhojë sasinë e duhur të Acetil-Kolinës. Gjatë kësaj kohe ish-duhanpirësit janë te stresuar, nevrikosen edhe nga zhurma më e vogël, kanë përgjumësi etj. Por, të gjitha këto vështirësi kalohen me pak vullnet dhe këmbëngulje.

· Pirja e duhanit i shkakton dëme edhe aparatit tretës. Kur kombinohet me pirjen e alkoolit ky rrezik rritet edhe me shume.

· Duhani, duke kontribuar në ngushtimin e enëve të gjakut të stomakut rrit përqindjen për ulcerën e stomakut, ndërkohë që rritet 2,7 herë rreziku për kancer stomaku.

· Duhani rrit me 37% frekuencën e impotencës. Duke u bashkuar me sëmundje si: diabeti, hipertensioni, etj, ky rrezik shkon ne 96%


Pra kujdes! Mundohuni te eliminoni pirjen e duhanit qe te jetoni me gjate dhe ne mënyrë te shëndetshme. Ikub